Kíkti með Magga í gær á myndina Sunshine. Svona til að byrja með mæli ég ekki með þessari mynd fyrir neinn. Hræðilega asnaleg og leiðinleg mynd. Fyrir þá sem vilja vita meira, þá á þetta að vera spennutryllir. Hópur vísindamanna er á leiðinni til sólarinnar með einhverskonar sprengju og markmiðið er að sprengja hana á sólinni til að koma sólinni af stað aftur, þar sem hún er að kólna niður - sem þýðir dauði fyrir jörðina.
Það var tvennt gott við myndina. Það var takan á myndinni. Fullt af flottum skotum þar sem sólarljósið var að skína á sólhlíf flaugarinnar og svona flott geimskot. Svo var dramað sem við þekkjum svo vel úr amerískum vælumyndum mjög takmarkað, ef þá eitthvað. Á móti kom aftur að það var fullt af svona “háfleygu” drama þar sem dramatísk tónlist var spiluð undir myndum úr geimnum. Þetta var flott svona fyrst um sinn, en þegar 1/4 af myninni eru svona skot fær maður bara nóg.
Sálfræðin í myndinni er hrósað töluvert á kvikmyndasíðum á netinu og sagt að þetta sé voðalega töff og flott. Það fannst mér alls ekki. Viðbrögð áhafnarmeðlimanna voru frekar fyrirsjáanleg og ekkert beint nýtt við þetta. Endirinn var svo það fáránlegasta sem ég hef séð í bíómynd lengi. Myndin fer úr því að vera svona lala tilraun til að vera fancy sci fi geimmynd með smá sálfræðitvisti í að vera svona unglinga-eltileiks-b-splatter mynd sem var bara léleg redding til að klára myndina.
Fyrir utan að manni leiddist mikið á myndinni og sú staðreynd að slatti af fólki labbaði út í hléi, þá var öll eðlisfræði í myndinni og vísindalega hlið hennar til skammar. Það mætti halda að handritshöfundarnir hafi látið aðdáendaklúbb lélegra b-geimmynda skrifa öll tæknilegu atriðin, því þetta var bara rusl.
Þannig að nema að þér finnist eltingaleiks spennumyndir (síðustu 20 mín) og veruleikafyrrtar vísindakenningar skemmtilegar og langdregin, en flott myndataka í mynd með lítinn sem engan söguþráð góð afþreying, þá er þetta alls ekki mynd fyrir þig.

—

Síðasta þriðjudag kíkti ég aftur uppá Bifröst og reyndi að lesa og læra smá. Það gekk svo sem ágætlega, en á miðvikudaginn var hreint út sagt frábært veður. Komst í þvílíkt sumarskap og ákvað að bjóða 5 öðrum einstaklingum í grill um kvöldið. Flestir komu með smá meðlæti með sér og úr varð fínasta grillveisla sem endaði svo í chilli í pottinum, svona eins og lög gera ráð fyrir.

—

Ísland heldur áfram að vera til smá vonbrigða í handboltanum. Töpuðum 2 leikjum og gerðum eitt jafntefli á æfingarmótinu. Ljósu punktarnir voru þó frábær markvarðsla hjá Hreiðari og svo að leyfa ungu strákunum að spreyta sig. Ég skil þetta með Ragnar Óskarsson samt ekki. Hann virðist alltaf enda í óöryggi og einhverju klúðri. Ætli þetta sé bara svona í landsleikjum, eða spilar hann líka svona fyrir félagsliðið sitt? Róbert Gunnarsson átti svo góðan leik í dag með einhver 9-10 mörk eftir að hafa verið með töluvert af klúðursskotum í fyrri leikjum. Það er greinilega margt sem þarf að bæta, en vonandi að þetta hafi verið góð æfing fyrir strákana.

—

Merkilegt hvað öll plön sem maður gerir fara í ruglið. Ætlaði að nota helgina í að kíkja á Esjuna. Í gær var svo skuggalega leiðinlegt veður og ég ákvað að nota daginn í að fara í sorpu og kaupa mér ný gleraugu og svona. Svo í morgun þegar ég vakanaði var ég alveg út úr heiminum út af veikindum. Gat varla komið upp orði fyrir hádegi og var hálf rúmfastur þangað til handboltinn byrjaði, þá staulaðist ég fram úr. Ætli maður kenni ekki köldu veðri og klæðnaði sem var ekki í samræmi við veðurfarið um þessi veikindi. Gaman gaman

—

Í gær eignaðist ég mikinn bandamann. Það er hún Hafrún góða. Við komumst að því að okkur er báðum alveg meinilla við helvítis rottuhundapakkið sem kallast chiwawa. Reyndar er okkur ekkert bara meinilla við þessi kvikindi, heldur ætti helst að skjóta þetta á færi og brenna hræin. En jæja, svona vinátta getur verið skammvinn og Hafrún ákvað að kóróna þessa líka góðu samleið sem við höfðum með því að reyna að pranga uppá mig einhverri kenningu um “the secret” (law of attraction). Er aðeins búinn að kynna mér þetta og eins og þetta kemur fyrir mínar sjónir er þetta bara common sence sem einhver ákveður að láta í form kenningar til að græða peninga og fá athygli. Ég ætla því að kíkja á myndina í kvöld og gefa Hafrúnu “slap in the face” um ágæti þessara kenningar á morgun - eða þegar mér finnst tími til kominn til að slá hana aðeins utanundir