Þá er loksins búinn erfiðasti og leiðinlegasti kúrs sem ég hef verið í á háskólastigi. Leiðinlegur er reyndar kanski ekki rétta orðið þar sem kennarinn var algjör snillingur og alltaf til í eitthvað skemmtilegt og svo jafnvel að aðstoða nemendur með verkefni fram eftir miðnætti ef fólk var í miklu rugli (sem var venjulegast). Þessi snillingur ber nafnið Stephen Neale og einhvern vegin hefur hann, maður sem make-ar að djamma til 5 um nóttina en mæta svo hressari en allir aðrir til samans í fyrirlestur daginn eftir, ákveðið að helga líf sitt einhverju súrasta námsefni sem völ er á; heimspeki tungumálsins.
Þetta er nefnilega alveg merkilegt fag. Maður er í nokkra sólarhringa að reyna að lesa nokkrar greinar, sem eru á næstum óskiljanlegu fræðimáli. Síðan er maður heillengi að koma nokkrum setningum niður á blað og gera litla ritgerð um þetta - einmitt vegna “óskiljanlega fræðimálið” vandamálsins. En þegar maður er búinn að því og fattar hvað þetta gengur útá og hvernig það fúnkerar, þá fattar maður ekki afhverju þetta var svona erfitt.
Seinna verkefnið var t.d. hópaverkefni og ég átti að sjá um einn hlut af því. Þegar ég var búinn að lesa það sem var ráðlagt að lesa var ég með endalausar hugmyndir um efnið. Fór þá og talaði við Stephen og spurði hann aðeins útí þetta. Á sirca 2mín útskýrir hann fyrir mér að helmingurinn af því sem ég var að pæla í væri óþarfi fyrir verkefnið. Auðvitað varð ég hellað sáttur með það og ákvað að fara að hugsa meira um það sem þá skipti máli. Fann svo nokkra punkta í viðbót og taldi mig vera með pottþétt case. Fór samt og talaði aftur aðeins við Stephen og þá kom það á daginn að ég gæti eiginlega sleppt meirihlutanum af þessum helming sem var eftir. Ég kom þessum fáu hugsunum mjög skilmerkilega frá mér og whooollla…. 51 orð !!!! Lengdi það reyndar í sirca 200 orð, en eftir 2-3 daga lestur og pælingar var útkoman 200 orð! Skilningurinn bakvið þetta er reyndar stjarnfræðilega miklu meiri en þessi 200 orð gefa til kynna, en engu að síður, þetta er rugl.
En já hann er fínasti kall. Að verða 50 ára og fílar að hanga með nemendunum með sinn 10 ára gamla skoska einmöltung, talandi um allt frá Björk og KK til heimspeki og forseta USA. Helsta kvörtun hans varðandi Bifröst var einmitt hversu lítið líf var á kaffihúsinu, enda er skólinn eitthvað að kúka á sig með það og svo eru orðnir svo fáir eftir svona seint á sumarönninni (hann var eiginlega í byrjun vors síðast).

—

Merkilegt með kröfur kennara í ritgerðum. Núna það sem af er þessu skólaári hefur maður fengið nokkrar mismunandi dæmi. Sumir kennarar vilja t.d. ekki að maður komi með nein dæmi máli sínu til stuðnings: “ef þú getur ekki sagt þetta í orðum án dæma, þá ertu ekki að koma þessu nógu skilmerkilega frá þér”. Svo kemur næsti kennari í næsta kúrs og vill hafa nóg af dæmum, því þau sýni skilning á viðfangsefni. Þarnæsti kennari kvartar svo alltaf yfir því að dæmin séu ekki nógu skýr og það eigi eiginlega bara að umorða dæmin sem eru notuð í lesnum textum (sem mér finnst fáránlegt, þar sem endurorðun á textum sýnir ekki skilning að mínu mati). Þetta getur verið alveg endalaust böggandi, sérstaklega þegar maður er í tveggja vikna áföngum og það eru kanski bara 2x 50% ritgerðir. Þá gerir maður kanski fyrri ritgerðina ekki alveg í takt við það sem kennarinn vill og þá er lokaeinkuninn eiginlega bara komin í rugl.

—

Það sem af er vori og sumri hef ég verið óvenju duglegur að elda og grilla. Byrjuðum að grilla uppfrá í lok mars eða byrjun apríl ef ég man rétt. Síðan þá hefur ófá steikin fengið að fara á grillið. Auk þess hefur maður töfrað fram margskonar rétti. T.d. kjúkling í eggjanúðlum, kjúkling með rjómalagaðri mango chutney sósu, enchilada o.fl. Síðan loksins þegar maður kemur heim í frábæra eldunaraðstöðu nennti maður ekki að gera neitt og ég endaði á að fá mér bara samloku í kvöldmat.
Gat reyndar ekki stillt mig og gerði samlokuna pönnusteikta, hafði ekki með og pönnusteikti sveppi, lauk, skinku og ost með 

—

Stundum er gaman að skoða aðeins út fyrir kassann sem maður lifir í. Þessi síða er gott dæmi um það. Hér er skrifað um Alexander Shulgin og hans verk og skoðanir kringum ofskynjunarlyf. Miðað við það sem hann hefur gert er eiginlega merkilegt að hann sé standandi í lappirnar og ekki slefandi grænmeti…. Nema auðvitað að áróður gegn ofskynjunarlyfjum sé eitt alsherjar yfirvarp yfir eitthvað annað stærra og meira (ekki trúlegt).

—

Búinn að fá vilyrði frá pabba um að fá cruiserinn lánaðann í veiðiferðina, þannig að það þarf bara einn annan bíl í ferðina þar næstu helgi. Verður Robbi á bíl, eða er einhver annar game? Þurfum svo aðeins að plana hvenær við getum farið af stað og svona, á fimmtudaginn eða föstudaginn.
Ætla svo að fara í Ellingsen á morgun og versla eins og eitt net. Þá vantar bara að koma kútternum á flot og redda töppunum í hann. Á einhver svona aukatappa?