Gaman að sjá hvernig einstaklingur, sem telur sig jafnréttishugsandi, bindur eina starfsstétt við ákveðið kyn og gerir ráð fyrir að karlar séu ekki hjúkrunarfræðingar (hjúkkur).

—

Olivia Judson, pistlahöfundur hjá NY Times er með skemmtilegar hugmyndir síðasta þriðjudag. Þar talar hún um afhverju það ætti ekki að kalla einstaklinga sem hneigjast að þróunarkenningunni Darwinista eða fræðin sjálf Darwinisma. Er ekki frá því að maður muni hafa þetta næst í huga þegar maður tjáir sig um þessi málefni.

“Calling evolutionary biology “Darwinism,” and evolution by natural selection “Darwinian” evolution, is like calling aeronautical engineering “Wrightism,” and fixed-wing aircraft “Wrightian” planes, after those pioneers of fixed-wing flight, the Wright brothers. The best tribute we could give Darwin is to call him the founder — and leave it at that.”

—

Bensínverð á alþjóðamarkaði hækkaði fyrir nokkrum dögum. Olíufélögin brugðu þá á það ráð að hækka verðið hjá sér og sögðu að það væri þörf á hækkunum strax þar sem almenningur væri alltaf að krefjast þess að verðbreytingar gerðust strax. Eitt félag hækkaði strax um töluverða upphæð, en dró svo hækkunina til baka eftir óheppileg ummæli vörustjóra Olís og gagnrýni almennings. Hækkunin stóð engu að síður, þótt hún hefði verið aðeins minni. Næsta dag lækkar svo heimsmarkaðsverð all svaðalega og olíufélögin lækka verið lítillega og segja t.d. að miklar lækkanir gagni oft til baka fljótlega. Heimsmarkaðsverðið lækkar svo annan daginn í röð og N1 veitir 2 daga 5kr afslátt af sínu verði.
Það skemmtilega við slíkar lækkanir er þó að þær eru ekki beint lækkanir og ef verð hækkar aftur getur enginn sagt að N1 sé að hækka verðið, þeir eru bara að minnka afsláttinn. Einnig taka þeir fram í auglýsingu í fréttablaðinu fyrir þessa 2 afsláttardaga að aðrir afslættir gildi ekki þessa 2 daga. Spurning hvort þá sé átt við afslátt sem korthafar á N1 hafa og aðrir traustir viðskiptavinir. Ef svo er, þá eru það traustir viðskiptavinir sem græða minnst á þessum afslætti. Skemmtilegt að eiga viðskipti við slíkt fyfirtæki.
Alltaf gaman að pæla í tölum og hvernig olíufélögin komast upp með að blekkja mann.