Fór í gær á nýju Batman myndina Dark Knight. Mjög góð mynd, en besta mynd allra tíma? Nei. Er basically sammála þessum sem skrifaði þetta comment á imdb (ath. spoilers). Margt gott í myndinni. Ledger er mjög góður sem Jokerinn, Michael Caine, Maggie Gyllenhaal og Morgan Freeman góð í sínum hlutverkum og Gary Oldman einnig með mjög góða framistöðu.
Söguþráðurinn, kvikmyndatakan og allt það er mjög góð, en þar sem þessi mynd er að reyna að taka sig töluvert alvarlega, þá eru alveg slatti af atriðum sem gera hana eiginlega bara kjánalega. T.d. þegar Batman nær flugvélinni, þegar hann fer úr bílnum á mótorhjólið, að hann geti lamið fullt af vopnuðum gaurum eins og ekkert sé, en láti svo hunda taka sig niður o.s.frv. Allt of mikið af svona rugli. Sem spennumynd myndi ég gefa þessari mynd 8 - 8,5/10, en svona overall sem mynd sem er að taka sig töluvert alvarlega þá er þetta langt frá því að vera meistaraverk, atriðin þar sem maður fær algjöran kjánahroll yfir eru of mörg og ég gef henni því 7,5.