Ég legg til að þjófavarnir í bílum sem eru algengar í dag (háværar sírennur og flaut vegna þess að einhver rakst í bílinn) verði bannað en í staðinn verði tekinn upp sjálfseyðingabúnaður sem sprengir bílinn í loft upp. Ef það myndi ganga eftir myndi fólk passa sig að rekast ekki utan í bíla, en ef það myndi gerast, þá myndum við bara losna við klaufana. Auk þess myndum við hætta að heyra þetta endalausa sírenuvæl daginn inn og daginn út, heldur kæmi bara ein og ein sprenging í staðin.
Vil svo að endingu biðja einstaklinginn sem á bílinn sem hefur verið vælandi rétt hjá tónlistarskólanum í Garðabæ síðustu 20 min um að fara að slökkva á þessu. Íbúar hverfisins eru ekki að fíla þetta!

—

Horfði á handboltaleikinn við Rússa á English Pub um helgina. Mjög gaman og skemmtilegt að vera kringum taugatrekkta en ánægða íslendinga sem voru vel við skál á þessu mómenti. Gaurarnir sem sungu samt allan seinni hálfleik “oolei ooolei ooolei oolei oolei oolei….” eru hálfvitar og ættu að vera húðstrýktir á almannafæri.