boltinn og rúv

Jæja, tapaður leikur gegn Kóreu. Ekki mikið við því svo sem að segja. Vantaði smá neista í sókninni og færin voru ekki að detta með okkur. Ég vil nú ekki taka svo djúpt í árina eins og maður hefur verið að sjá hjá öðrum og um það sem lýsandanum fannst, að dómararnir hafi verið hroðalegir. Auðvitað áttu þeir sín mistök og allt það, en þeir voru alls enginn auka leikmaður fyrir Kóreu eða algjör úrslitavaldur í leiknum.
Það sem mér finnst aftur á móti vera mjög leiðinlegt er hvernig vefsjónvarp rúv er að virka. Það var alveg hræðilegt að vera ekki með aðgang að sjónvarpi svona snemma morguns og þurfa að notast við vefsjónvarpið. Það var alltaf að detta út og bufferast aftur og aftur. Held ég hafi ekki náð 5min straight án þess að þurfa að endurhlaða spilarann. Þetta var sérstaklega taugatrekkjandi þegar streymið datt út þegar 5 min voru eftir og við 3 mörkum undir. Þegar ég náði sambandi aftur var 1 min eftir og munurinn allt í einu orðinn 1 mark! Rúv þarf klárlega að laga þennan part hjá sér á komandi dögum.

—

Annars er síðasti dagurinn minn á Bifröst að renna upp núna. Merkilegt að vera að fara héðan núna eftir 2 góð ár. En allt tekur víst enda og nú er komið að næsta kafla. Hver hann svo verður kemur bara í ljós. Helgin er svo frekar full bókuð, en hún inniheldur matarboð, partý, landsleik, grillun í gæsaveislu o.fl.