dagurinn í dag
Posted on 09.29.08 by steini @ 18:14

Ef fréttir af glitni voru stórfréttir í nótt og í morgun, þá hljóta þessar fréttir um að öldungaþingdeild Bandaríkjanna hafi fellt tillöguna um björgunaráætlun að vera RISAfréttir.


Skráð sem: Dagleg skrif og Heimsmálin og USA
Svör: It´s all happening! - (2)

ólafur indriði stefánsson
Posted on 09.22.08 by steini @ 21:37

Var að skoða hsi vefinn aðeins áðan. Komst þá að nokkrum áhugaverðum atriðum varðandi landsliðsmenn sem ég vissi ekki en voru smá áhugaverðir. Í fyrsta lagi heitir Ólafur Stefánsson fullu nafni Ólafur Indriði Stefánsson og svo ef hann er alveg hættur núna með landsliðinu, þá hættir hann með 1337 skoruð mörk (nördinn blundar stundum í manni ) :)
Þess fyrir utan rifjuðust upp nokkur nöfn fyrir manni sem maður var búinn að gleyma. Sigmar Þröstur markmaður og Héðinn Gilson t.d. Svo er líka áhugavert að geta þess að allavega tveir af leikmönnum landsliðsins hafa verið íþróttakennarar við þá skóla sem ég hef stundað. Maggi Teits í Garðaskóla og Viddi Sím í Verzló.

Annars er nú ksi vefurinn skemmtilegri yfirlitum og mætti hsi endilega taka þá til fyrirmyndar varðandi upplýsinga söfnun og miðlun upplýsinga.


Skráð sem: Dagleg skrif og Netið og íþróttir
Svör: It´s all happening! - (2)

af moskum og hhs djammi
Posted on 09.22.08 by steini @ 21:03

Það hefur í nokkurn tíma verið til skoðunar að leyfa byggingu mosku í Reykjavík. Eitthvað eru þó skipulagsmál að flækjast fyrir og hugmyndir um flatarmál lóðar og hæð turna er eitthvað sem er endalaust verið að fara yfir. Í dag hefur töluverð umræða verið á netinu og víðar um hvort gott og gilt sé að veita múslimum hérlendis leyfi til byggingar á þessari mosku. Sjálfur sé ég ekkert að því að aðrir en kristnir fái að byggja sér safnaðarhús (svona fyrir utan að mér finndist mun gáfulegra ef engin safnaðarhús yfir höfuð væru byggð), en það er þó eitt sem ég vona svo sannarlega að fái ekki að ganga í gegn. Bænastundir í kallkerfi fyrir utan moskur væru eitthvað sem ég teldi algjört klúður. Við skulum alls ekki vera að bæta óþarfa hljóðmengun við það sem kirkjuklukkurnar valda nú þegar.
Annars má fólk trúa því sem það vill fyrir mér. Það eina sem ég set algjör mörk við er að ég er ekki hlynntur því að farið verið að gera sér dómstóla eða dómskerfi fyrir mismunandi trúar/lífsskoðunar hópa og ég vil að allir lúti almennum mannréttindum og fái ekki í krafi trúarsannfæringar að kúga aðra, hvernig sem sú kúgun á sér stað. Auk þess á að ríkja gagnkvæm virðing milli fólks með mismunandi skoðanir. Ég á ekki að öskra fyrir utan kirkjur eða moskur meðan bænarhald stendur og á móti kemur að ég tel að kirkjur og moskur eigi ekki að varpa hávaða sínum utandyra þannig að heyrist í hundruða metra fjarlægð.

HHS djammið á laugardaginn tókst held ég bara frábærlega. Mætingin var töluverð og ég held að ég geti fullyrt að fólk hafi almennt skemmt sér konunglega. Partýið stóð til svona hálf þrjú þegar síðustu gestir fóru í bæinn. Ég kíkti með fríðum hóp djammara á Sssól ball á NASA og komst að því að ég þekki eiginlega ekkert af lögunum þeirra. Ekki alveg nógu sniðugt, samt ágætt.

Á föstudaginn kíkti ég aftur á móti í staffadjamm í Hafnarfjörðinn þar sem ég ætlaði nú bara að stoppa stutt við og fara heim þegar aðrir færu í bæinn. Veðrið var aftur á móti mjög slæmt þannig að enginn vildi fara niður í bæ. Ég fór því heim á sama tíma og aðrir, í kringum 5 leitið. Ekki alveg það sem ég hafði í huga, en varð svo bara að fínustu skemmtun.


Skráð sem: Dagleg skrif og Djamm og skemmtanir og Fréttir og Pólitík og Trúmál
Svör: 1 svar komið

mótmæli í Kóreu og thai matur á Siam
Posted on 09.18.08 by steini @ 19:24

Alltaf áhugavert að heyra fréttir frá Kóreu. Sérstaklega finnst mér fréttir um mótmæli þarlendis vera áhugasöm, en Kóreubúar hafa verið iðnir við kolann í þeim efnum og oftar en ekki fengið athygli erlendis frá fyrir sérstakar leiðir til að mótmæla. Hér má t.d. sjá nokkur dæmi um það.

Á eyjunni í dag er svo ný frétt um blinda nuddara, en blindir eru víst þeir einu sem mega nudda í Kóreu (þetta vissi ég ekki) og mótmæli þeirra gegn því að aðrir en blindir og sjóndaufir megi starfa við það að nudda. Til að leggja áherslu á baráttu sína hótuðu þeir t.d. að hoppa fram af brú! Hvað getur maður sagt, alltaf lærir maður eitthvað nýtt.

Fór með Lóu frænku á tælenska veitingastaðinn Siam í Hafnarfirði í gær. Þjónustan var nú ekkert til að hrópa húrra yfir. Það voru ekkert mjög margir í salnum, þó eitthvað hafi verið um fólk sem kom að sækja mat, en sú sem var að afgreiða var ekkert að fylgjast um of með kúnnunum svo við þurftum t.d. að bíða töluvert eftir að fá drykki, glös o.s.frv. Maturinn aftur á móti bætti það heldur betur upp og ég hef aldrei smakkað svona góðan thailenskan mat hér á íslandi áður. Fékk mér Pad Thai sem ég bað um að yrði gert töluvert sterkara en venjulega og djöfull hitti kokkurinn í mark með því sem ég fékk - vel sterkt, en enn pad thai bragðið. Rétturinn hennar Lóu var einnig rosalega góður og báðir réttirnir voru ríflega skammtaðir þannig að ekki var séns fyrir mig nema að klára tæplega 2/3 af matnum þó ég væri glorhungraður. Verðið er svo ekki neitt neitt, en rétturinn var á held ég 1290 með hrísgrjónum og salati. Þetta er allavega staður sem ég mun fara aftur á og get hiklaust mæla með fyrir alla þá sem finnst thailensk matargerð góð. Annars, mæli með þessu fyrir alla hina líka, frábær matur.

Það er vonandi að það verði æfingaleikur á föstudaginn hjá Heimsliðinu og svo á laugardaginn verður heljarinnar HHS-partý. Allt bara að gerast.


Skráð sem: Dagleg skrif og Djamm og skemmtanir og Kórea og matur og íþróttir
Svör: Ekkert ennþá

matarolíupervertismi
Posted on 09.11.08 by steini @ 0:41

Sá sem uppgötvaði manna fyrstur að matarolía væri tilvalin í að þrífa harpix af höndum er/var snillingur, en umfram allt held ég að hann hafi verið mjög pervertískur einstaklingur sem uppgötvaði áhrif töframeðalsins fyrir slysni. Ekki ólíkt því þegar Alexander Flemming uppgötvaði (enduruppgötvaði?) áhrif pensilíns. Það fer þó engum sögum hér hvort Flemming þessi hafi verið pervertískur eður ei.


Skráð sem: Dagleg skrif og Hugleyðingar
Svör: Ekkert ennþá

heimsliðið
Posted on 09.04.08 by steini @ 0:33

Heimsliðið tók sína fyrstu æfingu á þessu ári í kvöld. Gaman að vera byrjaður að spila aðeins aftur, en það er á hreinu að það verða útihlaup næstu vikurnar. Þetta gengur ekki upp svona til lengdar. Maður þarf að setja raunhæft markmið um að vera farinn að hlaupa 7km fyrir jól, er það ekki? Held að það sé ágæt byrjun allavega.


Skráð sem: Dagleg skrif og íþróttir
Svör: 1 svar komið

chrome
Posted on 09.03.08 by steini @ 20:31

Rosalega finnst mér þetta vera langt út fyrir öll velsæmismörk hjá Google. Að ætlast til þess að þeir fái ótakmarkaða heimild til að nota allt sem þú lætur frá þér á veraldarvefnum (gegnum Chrome vafrann þeirra) í þeirra þágu. Þannig að þú basically gefur frá þér þinn einka eignarrétt yfir hlutum sem þú postar á netinu.
Hvað ef t.d. tónlistarmaður eða vefhönnuður notar vefmail og sendir sína nýjustu afurð á annan einstakling (samverkamann, kaupenda eða álíka) í gegnum Chrome. Ef ég skil þetta rétt, þá ætti google að eiga rétt til að nýta sér þessar hugmyndir í sína þágu. Vel gert google, þetta er skref í rétta átt ef þið viljið fá hinn almenna notenda upp á móti ykkur og verða óvinsælt og hatað vörumerki, í stað þess að vinna með kúnnanum.


Skráð sem: Dagleg skrif og Netið
Svör: Ekkert ennþá

mistök!
Posted on 09.02.08 by steini @ 1:01

Stundum gerir maður alveg hræðileg mistök. Í gær horfði ég á nýju X-files myndina (elskaði gömlu þættina) og það er eitthvað sem ég get því miður ekki tekið til baka. Ekki bara að þetta hafi verið tímaeyðsla, þá eyðilagði þetta rosalega nostalgíuhugsunina við X-files hjá manni - ekki sniðugt. Fyrir utan slappt handrit, lélega díaloga og ótrúverðuga persónusköpun, þá var Gillian Anderson alveg hræðileg í þessari mynd. Hvað hefur eiginlega komið fyrir, hún var alltaf fínasta leikkona í gömlu þáttunum, en þarna er hún bara plain slæm. Mæli öllum frá að sjá þessa hörmung. *1/2/*****

Byrjaði í dag að vinna hjá Landsbankanum í Hamraborg. Verð þar gjaldkeri í þessu nýlega sameinaða útibúi (Hamraborgin og Háaleitið). Get ekki sagt annað en að mér lítist ágætlega á þetta, hresst fólk og þægileg staðsetning. Dagurinn í dag var reyndar frekar busy (fyrsti mánaðarins) þannig að ég komst ekkert vel inní neina hluti, en það kemur vonandi í vikunni.

Næsta helgi verður helguð útskriftarveislum. Helgina eftir það er pæling um að kíkja á Upplyftingarball á Bifröst. Helgina eftir það verður svo HHS partý hérna heima þar sem nýir og gamlir hhs-ingar munu hittast og vonandi skemmta sér frameftir nóttu. Þannig að nóg að gera næstu helgar.

Heimsliðið er komið á stjá aftur. Komnir með tíma í mýrinni og stefnan er sett á utandeildina í ár. Ef fram heldur sem horfir þá verður þetta massa lið hjá okkur sem ætti að geta ýtt frá sér og látið önnur lið finna aðeins fyrir því. Stefnir í góðan vetur :)


Skráð sem: Bifröst og Dagleg skrif og Kúltúra og íþróttir
Svör: 1 svar komið

Á þessa síðu skrifar Þorsteinn Ásgrímsson hugarþanka sína og þras um hið daglega líf. Þorsteinn er 22 árs HHS nemi í Háskólanum á Biföst sem hefur áhuga á stjórnmálum, þjóðfélagslegum umræðum, tónlist, skvassi, trú- og siðferðismálum, kvikmyndum, heitum pottum og gufu, furðulegum hliðum lífsins, ferðalögum, handbolta og finnst ekkert slæmt að grípa í yoga einstöku sinnum.

Undirsíður
Myndir
Mússík
Eldri Myndir
Dvd Safnið
Ég á Last-Fm

Klukkan í Seoul:

bleh

Efnisflokkar
íþróttir
Bifröst
Dagleg skrif
Djamm og skemmtanir
Ferðalög
Fréttir
grín
Heimsmálin
Hugleyðingar
Interrail
Kórea
Kúltúra
kvikmyndir
matur
Myndir
Nöldur
Netið
Pólitík
quiz
Sniðugt stöff
Tónlist
tölvur og nördismi
Trúmál
USA
Veiði
Vesen

Nýjustu færslur
allt í volli
fullir ökumenn
árið 2008 í stuttu máli
jólagjöf
áhugavert myndasafn og tónleikar.
staður, stund og ímynd
skókast
full-control zone í N-Kóreu
steve jobs í kringlunni áðan
Fínt föstudagskvöld og hörmuleg W
blússandi góðæri í skeifunni
það vilja allir kosningar strax, vilji þjóðarinnar !!!
merkilegur prestur
kaupþing að gera það gott í Sviss, setja met og svona
takmarkið

Eldra efni
January 2009
December 2008
November 2008
October 2008
September 2008
August 2008
July 2008
June 2008
May 2008
April 2008
March 2008
February 2008
January 2008
December 2007
November 2007
October 2007
September 2007
August 2007
July 2007
June 2007
May 2007
April 2007
March 2007
February 2007
January 2007
December 2006
November 2006
October 2006
September 2006
August 2006
July 2006
June 2006
May 2006
April 2006
March 2006
February 2006
January 2006
December 2005

Leit

Miðlun
RSS 2.0
Comments RSS 2.0
WordPress

Keyrt af krafti áfram af WordPress.

Innskrá
Krækjur
  • Bifröst

  • Daglegt

  • Fólkið

  • Fréttir

  • Gaman


  • Afskrá ?
    Til að skrá sig úr þjóðkirkjunni þarf einungis að fylla út þetta pdf skjal og senda á faxi á hagstofuna (569-2949). Með þessu lætur þú þín sóknargjöld (um 8500kr) renna í háskólasjóð frekar en beint til kirkjunnar. Nánar hér