dansandi um heiminn
Posted on 06.25.08 by steini @ 22:34

Pínu væmið, en fuckin geðveikt video. Þetta er Matt sem ferðast um heiminn og tekur upp þegar hann dansar hér og þar. Fær svo oft fólk með sér þannig að örugglega >1000 manns taka þátt í þessu hjá honum. Skemmtilegt að þarna bregður Íslandi einmitt fyrir :)
En já maður hefði alveg verið til í að ferðast svona mikið eins og hann gerir: 14 mánuðir og 42 lönd! Geðveikt!


Skráð sem: Dagleg skrif og Ferðalög og Netið
Svör: 1 svar komið

góðir tónleikar
Posted on 05.28.08 by steini @ 21:54

ég missti af Bob Dylan um daginn þar sem ég var í útlöndum. Aftur á móti upplifði ég fínustu tónleika á leiðinni uppá Bifröst núna áðan þegar ég keyrði hingað. Skellti tónleikadisknum Familiar to Million með Oasis í græjurnar hækkaði vel og þvílík stemmning. Byrjar með látum á Fuckin’ in the Bushes og eftir það kemur hvert gæða lagið á fætur öðru. Diskurinn er tvöfalldur og um miðjan seinni disk taka þeir svo Hey Hey my my eftir Neil Young og er það eina lagið á disknum sem ég er ekki alveg sáttur með, en það er einungis vegna þess að upprunalega lagið er betra plús að ég á aðra útgáfu af laginu flutta af Oasis bræðrum sem er mun betra. Engu að síður okey lag. Champagne Supernova, Rock ‘n’ Roll Star koma svo áður en lokalagið Helter Skelter eftir Bítlana er tekið, en Bítlarnir eru víst meðal uppáhalds sveita og miklir áhrifavaldar á bræðurna. En þetta var allavega mjög öflugt og langt síðan ég hef verið í jafn miklum fíling í bílnum. Kæmi mér ekki á óvart að margir bílstjórar sem sáu mig hafi rekið upp stór augu ef þeir sáu mig þar sem ég var að missa mig í söngnum, svo ekki sé minnst á gangandi vegfarendur í Mosfellsbæ og Reykjavík sem gætu hafa séð mig á einhverjum ljósum :) En svona á að gera þetta og maður kemmst í fíling þegar maður missir sig aðeins. Lífið er víst til að lifa því.

Ferðasaga auk smá bjórrýni úr ferðinni kemur svo inn innan skamms.


Skráð sem: Bifröst og Dagleg skrif og Ferðalög og Tónlist
Svör: It´s all happening! - (2)

hloduball i Austurriki
Posted on 05.25.08 by steini @ 19:07

Thyskaland, Sviss, Lichtenstein, Austurriki, Tyskaland, Austurriki og nuna i Salzburg. Forum tadan a morgun og stefnan er aftur sett a Tyskaland og ad eyda einum degi tar adur en vid hoppum uppi flugvelina heim a leid fra Frankfurt.
Forum og heilsudum uppa einn af skiptinemunum sem var med mer og Palla i Koreu, hann Martin i Tyskalandi. Hann a heima i sveitatorpi i midju Austurriki og vid hittum einmitt tannig a ad koma i heimsokn tegar eitthvad sveitaball var um kvoldid (nuna a Laugardaginn). Tad var upplifun ut af fyrir sig og mjog skemmtilegt, en ballid var i einhverri risa hlodu og ekta bierfest stemmning i gangi.
Heimkoma plonud a tridjudaginn.


Skráð sem: Dagleg skrif og Ferðalög
Svör: Ekkert ennþá

ferðalag
Posted on 05.15.08 by steini @ 17:56

var að ganga frá því að panta flug til Friedrichshafen í S-Þýskalandi (20 mai) og svo heim frá Frankfurt (27 mai) rétt í þessu. Munum fara saman bræðurnir í þessa ferð. Hugmyndin er að taka bílaleigubíl á flugvellinum í Friedrichshafen og keyra svo um sviss, lichtenstein, austurríki og að endingu aðeins í Þýskalandi áður en brunað er um autobahn-in til Frankfurt.
Annars bíður mín skemmtileg ritgerð sem ég þarf að vinna í :(


Skráð sem: Dagleg skrif og Ferðalög
Svör: 1 svar komið

jólin á Thailandi
Posted on 12.25.07 by steini @ 13:21

Jæja, jólin hafa verið fín hér í Thailandi, var reyndar frekar sólbrenndur í gærkvöldi vegna mikillar sólar fyrr um daginn þegar við skuppum í veiðiferð sem endaði með um 20-25 fiskum (túnfisk). Maturinn í gær var annars jólahlaðborð hjá hótelinu sem var nú ekki alveg jafn gott og heima, steikin reyndar bara frekar slöpp, en forréttirnir og eftirrétturinn voru góðir. Í dag var svo borðaður mjög traditional thai matur í hádeginu og það kæmi mér ekkert á óvart að við skellum okkur í svipaðan pakka núna á eftir (kvöldmat).
Fullt að segja en of lítill tími á netinu. Hendi líka inn öllum myndunum þegar ég kem heim. Held að það sé lang best.
Í dag kíktum við á Phi phi eyjar og það var alveg frábært. Snorklaði aðeins í kóralrifi og skoðaði endalaust af regnbogafiskum. Sáum svo staðinn þar sem The Beach var tekin upp, ótrúlega flott allt saman.

Annars er hér lítil jóla og nýárskveðja frá Thailandi

Byð að heilsa og sé svo bara alla einhvern tíman eftir að ég kem heim 2. jan.


Skráð sem: Dagleg skrif og Ferðalög
Svör: It´s all happening! - (3)

Bangkok - phuket
Posted on 12.20.07 by steini @ 4:44

5 dagar og 3 dagsferdir bunar i Bangkok. 3x jakkafot og vesen med gistinguna a Phuket. Hiti og sviti, filareidtur, klappa tigrisdyrum og thai nudd. Phuket a eftir.


Skráð sem: Ferðalög
Svör: 1 svar komið

jahérnahérna
Posted on 12.14.07 by steini @ 21:38

Síðasta prófið búið, gekk bara helvíti vel, 20 min í að við yfirgefum íbúðina sem er búin að vera heimili okkar síðustu 3,5 mánuðina og stökkvum uppí flugvél til Thailands næstu 11 dagana eða svo.
Búnir að redda miðum frá Singapore til London seint 1. jan þannig að mestar líkur á að komast heim 2 jan.
Enduðum kvöldið í kvöld með að hitta sem flesta skiptinemana og kveðja þá yfir bjór og karaoke, svona ekta kóreu stemmning.
Borðaði svo loksins hund í dag. Það hafði alltaf dregist á langinn, en ég varð að láta verða af því svona seinasta daginn. Sorry hlé ef þú lest þetta :)


Skráð sem: Dagleg skrif og Ferðalög og Kórea
Svör: It´s all happening! - (5)

DMZ og næstu vikur
Posted on 12.10.07 by steini @ 15:34

Það er allt að smella saman varðandi ferðalag komandi vikna. Búinn að bóka flug til Thailands 15 des og hótel í Bangkok og svo redduðu stelpurnar og Palli villu á phuket (var allt fullt og of dýrt á phi phi).
Þannig að planið næstu vikurnar er eftirfarandi:
10. des: Prófavikan byrjar með prófi í Theories of national security. Þar á eftir fylgja svo próf í Understanding Korean society, Economic development in Korea og svo síðast í Konfúsíusma. Auk þess þarf að henda inn einni ritgerð í Globalization and development.
14. des: Síðasta prófið
15. des: Fljúgum til Thailands með millilendingu í Hong Kong. Brottför kl 10:15 um morguninn þannig að það verður ekki beint tími fyrir neitt lokadjamm kvöldið áður.
15. des - 20. des: skoða bangkok, kíkja á markaði, vonandi í eitthvað safari, nudd o.s.frv.
21. des - 26. des: Afslappelsi á Phuket. Jól á ströndinni
26. des: Flug til Singapore. Áramót þar.
1 eða 2. jan: flug heim, væntanlega millilent í London. Eiginlega það eina sem þarf að redda og það þarf víst að gerast sem fyrst þar sem allt er að verða fullt :(

Um daginn kíktum við á DMZ zone-ið hér í Kóreu. Kíktum þar á t.d. JSA sem er “hliðið” milli norður og suður Kóreu, mest hernaðarvaktaða svæði á jörðinni væntanlega (þ.e. milli tveggja landa, tek ekki area 51 eða pentagon með :))
Við fengum svo að kíkja inn í einn skúr þar sem viðræður landanna fara jafnan fram og þar gátum við labbað yfir landafræðilega línu yfir til norður Kóreu, þótt húsið sé þannig séð á ábyrgð US og Suður Kóreu. Það sem var samt mest sérstakt við þessa ferð var hvað það var rosalega mikil þögn þarna þegar maður kom alveg að landamærunum og maður fann alveg spennuna sem var þarna.
Myndir frá ferðinni eru loksins komnar hingað
Til að fólk skilji þetta betur ætla ég að útskýra nokkrar myndir.
Lest sem tók okkur niður í göng sem Norður Kóreumenn reyndu að gera yfir til Suður Kóreu fyrir sirca 20 árum eða svo. Gangnamuninn hefði ekki verið nema um 50km frá höfuðborginni seoul og hægt hefði verið að flytja 10-20þús manna hersveitir á klst þarna í gegn. Fleiri göng hafa fundist, en engin svona nálægt Seoul
Líkan af JSA svæðinu. Hvíta línan er milli suðurs og norðurs
Reynt að taka mynd af norður Kóreu í fjarska, en mjög erfitt vegna myndavélabanns á ákveðnum svæðum. Einnig var mikil þoka og því erfitt að ná einhverjum myndum
Lest að koma um einu járnbrautina milli landanna. Það eru víst einhver viðskipti í gangi með einhverjar landbúnaðarvörur (plús hjálpina sem suður sendir norður)
Ef það verður opnað fyrir ferðalög milli landanna verður þetta brúin sem labbað verður yfir. Hér í kring var það sem löngu sundraðar fjölskyldur fengu að hittast kringum 2002 þegar samningar voru gerðir milli landanna. Eins og er er girðing þarna og búið að hengja fullt af minningar og friðar dúkum á það.
Ekki taka myndir. Slatti af svipuðum skiltum allsstaðar.
Inní samningaviðræðu húsinu.
Og þarna eru landamærin sjálf
Séð yfir samningshúsin og aðalbyggingu Norður kóreu þarna hinu megin. Hornið sem sést í vinstra megin er aðalbygging suður kóreu á svæðinu.
Fyrsta/síðasta lestarstöðin í suður Kóreu. Var byggð fyrir nokkrum árum síðan en er ekkert notuð. Eitt af þeim atriðum sem hefur verið gert til að reyna að ýta undir samskipti ríkjanna.

En já, myndirnar eru allar hálf lélegar, enda var okkur ekki gefinn mikill tími til að taka myndir eða að stoppa og skoða okkur vel um.

Ætla svo að draga þetta hrós mitt á hana Þorgerði frá því síðast aðeins til baka (samt ekki alveg). Frá mínu sjónarhorni virðist hún einungis hafa gert þessa breytingu til að fara að lögum en ekki vegna eigin sannfæringar.
Það er þó frábært hvað þessi umræða hefur fengið að haldast í þjóðfélaginu síðustu daga, ef marka má fréttavefi, umræðuþætti og blog umræður á netinu. Mjög sáttur með það og vonandi að einhverjir foreldrar sjái hvernig kirkjan er að troða sér inní skólana, sem eiga jú samt að vera þannig úr garð gerðir að þar sé ekki mismunað börnum t.d. á grundvelli trúar.
Furðulegast þykir mér þó að sjá framferði biskups og kirkjunnar gegn Siðmennt (og Vantrú) þar sem Siðmennt er hreinlega gert upp skoðanir og reynt að troða þeim að í öllum fréttatímum til að fá fólk til að halda að félagið sé t.d. á móti og vilji breyta þjóðfánanum og þjóðsöngnum (sem væri nú alveg rétt að breyta reyndar og þá aðallega vegna erfiðleika við að syngja hann) auk þess að vilja alla trúarbragðafræðslu úr skólum og að hætta með litlu jólin og páskaföndur. Þetta er auðvitað algjör rugl og hefur aldrei verið á stefnuskránni, en það hindrar samt ekki kirkjunar menn að koma fram með svona sleggjudóma sem aðrir éta svo ógagnrýnislaust upp.

Ætla svo að mæla alveg hiklaust með myndinni shoot em up með honum Clive owen í aðalhlutverki. Action í gegn og mjög skemmtilegur stíll.
Einnit langar mig að benda á hljómsveitirnar Moldy Peaches og Beirut. Moldy peaches alveg yndislega hrátt rokk og Beirut í góðum indie swing.

Prófið í morgun gekk svo ekkert of vel :( Fraus aðeins á fyrstu spurningunni og þar við sat og ég var hálf ónýtur í hausnum það sem eftir lifði prófsins. Vonum samt að þetta náist. Á morgun er svo próf í understanding korean society, frekar bjartsýnn á það.

Reyni svo að láta styttri tíma líða á milli skrifa næst :)


Skráð sem: Dagleg skrif og Ferðalög og Kórea og Myndir og Pólitík og Trúmál og Tónlist
Svör: It´s all happening! - (10)

náranudd
Posted on 11.08.07 by steini @ 10:30

Maður þarf víst að henda inn einni færslu svo mamma fari ekki að fá áfall og haldi að eitthvað hafi gerst fyrir mann hérna úti :)
Við höfum samt gert mest lítið síðustu vikuna, fyrir utan að kíkja til Sokcho og fara þaðan í Seoraksan þjóðgarðinn þar sem við löbbuðum uppá 3ja hæsta fjall Kóreu (1708m). Þegar ég var að fara í ferðina hélt ég að þetta yrði eitthvað eins og að skokka uppá esjuna, en þetta var heldur betur mun erfiðara, sérstaklega í ljósi þess að við byrjuðum eiginlega við sjávarhæð og fórum 5km alltaf uppí mót til að komast á tindinn. Endalausir stigar og stígar sem stefndu bara í eina átt. Enda var maður hálf ónýtur þegar upp var komið og ennþá ónýtari næstu tvo daga á eftir. Kíktum reyndar í nudd daginn eftir með Olgu frá Kasakstan og þar voru stundaðar pyntingar á okkur í svona 1klst sem endaði með því að konan sem var að nudda mig ákvað að lemja bara helvíti fast í hliðina á lærinu á mér (ég var búinn að emja eins og smástelpa allan tímann þegar hún var að nudda fæturna) og við það stökk ég hreinlega til vegna sársauka. Fyrir utan þetta lokaatvik var nuddið reyndar mjög gott og ég er ekki frá því að það hafi liðkað aðeins vöðvana eftir þetta púl.
Ég var reyndar smá efins á tíma þarna í nuddinu um hvort við hefðum óvart farið á “happy ending” nuddstofu þegar konan fór að nudda á mér nárann. Það reyndist þó ekki vera og hún kláraði nuddið bara venjulega.
Myndir frá ferðinni má svo finna hér

Hvað er málið með þetta? Ætla kirkjusöfnuðir ekki að skilja að það er fáránlega mikil kristinfræðikennsla fyrir í skólum til móts við frekar litla almenna trúarbragðafræðslu. Það mætti svo miklu frekar nota tímann í að kenna krökkum meira í öðrum fögum sem hafa hugsanlega eitthvað raunverulegt gildi fyrir þau varðandi frekara nám eða vinnu. Og að efla kristið siðferði? Ef mig misminnir ekki stendur einnig í námskrá grunnskólanna að allt nám eigi að vera miðað að kristinni siðfræði. Það ætti miklu frekar að afnema eitthvað svona ákvæði og kenna krökkunum almennt siðferði sem er ekki bundið við gamla bók sem er full af andstæðum pólum, ofbeldi, hræðsluáróðri og hatri gagnvart vissum minnihlutum.
Eina sem ég get að einhverju leiti tekið undir er þessi punktur:

Þá vilja félögin að Alþingi og sveitarstjórnir verji auknum hluta af almannafé til forvarna gegn áfengis- og vímuefnaneyslu, ofbeldi, sjálfsmorðum, einelti og klámvæðingu.

Það þarf reyndar að passa vel uppá það hvaða leið er notuð og hvort hún skili virkilega einhverjum árangri, en sé ekki bara sóun á peningum í fyrirfram töpuð verkefni.


Skráð sem: Dagleg skrif og Ferðalög og Kórea og Myndir og Trúmál
Svör: It´s all happening! - (3)

Á þessa síðu skrifar Þorsteinn Ásgrímsson hugarþanka sína og þras um hið daglega líf. Þorsteinn er 22 árs HHS nemi í Háskólanum á Biföst sem hefur áhuga á stjórnmálum, þjóðfélagslegum umræðum, tónlist, skvassi, trú- og siðferðismálum, kvikmyndum, heitum pottum og gufu, furðulegum hliðum lífsins, ferðalögum, handbolta og finnst ekkert slæmt að grípa í yoga einstöku sinnum.

Undirsíður
Myndir
Mússík
Eldri Myndir
Dvd Safnið
To-Buy list
Ég á Last-Fm

Klukkan í Seoul:

bleh

Efnisflokkar
íþróttir
Bifröst
Dagleg skrif
Djamm og skemmtanir
Ferðalög
Fréttir
grín
Heimsmálin
Hugleyðingar
Interrail
Kórea
Kúltúra
matur
Myndir
Nöldur
Netið
Pólitík
quiz
Sniðugt stöff
Tónlist
tölvur og nördismi
Trúmál
USA
Veiði
Vesen

Nýjustu færslur
breytingar?
hundraðföldun og kveðjur til Færeyja
aðeins of mikið af hinu góða
allir geta verið hetjur
sitt lítið af hverju
góð hugmynd
207 and counting
hryðjuverk og kosningar
Er þetta björgunaraðferðin?
nýja ísland í boði baggalúts
banka húmor
gamall
varúð, hámarks sársauki á líkamlegri og andlegri heilsu!
Litli verðbréfadrengurinn
kóresk ölvun

Eldra efni
November 2008
October 2008
September 2008
August 2008
July 2008
June 2008
May 2008
April 2008
March 2008
February 2008
January 2008
December 2007
November 2007
October 2007
September 2007
August 2007
July 2007
June 2007
May 2007
April 2007
March 2007
February 2007
January 2007
December 2006
November 2006
October 2006
September 2006
August 2006
July 2006
June 2006
May 2006
April 2006
March 2006
February 2006
January 2006
December 2005

Leit

Miðlun
RSS 2.0
Comments RSS 2.0
WordPress

Keyrt af krafti áfram af WordPress.

Innskrá
Krækjur
  • Bifröst

  • Daglegt

  • Fólkið

  • Fréttir

  • Gaman


  • Afskrá ?
    Til að skrá sig úr þjóðkirkjunni þarf einungis að fylla út þetta pdf skjal og senda á faxi á hagstofuna (569-2949). Með þessu lætur þú þín sóknargjöld (um 8500kr) renna í háskólasjóð frekar en beint til kirkjunnar. Nánar hér