|
Posted on 11.13.08 by steini @ 1:48
Merkilegt hvernig sumir fréttamenn/dálkahöfundar eigna sér efni sem aðrir hafa nýverið skrifað um. Á bls 18 í fréttablaðinu á þriðjudaginn (pdf - html)er t.d. Freyr Gígja Gunnarsson með stuttan pistil um Tékkóslóvakíu 1989 og flauelsbyltinguna og fann út úr því nýtt orð sem passar við íslenskar aðstæður “Flísbylting”. Eða var þetta kanski eitthvað sem hann tók upp hér. Fólk á endilega að skiptast á skoðunum, dreifa skoðunum og hugmyndum sem það telur vera góða eða áhugaverða, en það ætti að vera almenn vinnuregla að geta heimilda. Þetta mætu margir fréttamett taka til sín — Á sunnudaginn hélt Heimsliðið í víking til Selfoss til að etja kappi við Selfyssinga í handknattleik. Eftir mikla baráttu og framúrskarandi karakter stóðu heimsliðsmenn uppi sem sigurvegarar og lönduðu sínum fyrsta sigri á tímabilinu (eftir töp gegn Víking og Júmboys). Lokatölur voru 27-28 og hálfleikstölur 17-13 (fyrir Selfoss). Þeir austanmenn náðu hæst 6 marka forystu í stöðunni 24-18, en þá fór maskínan í gang, Ástþór átti t.d. 3 heimsklassamörk - slánna inn allt saman og Heimsliðið kláraði síðustu 10-12 min leiksins með 10 mörkum gegn 3 hjá Selfoss. Í kvöld var svo annar leikur gegn Aftureldingu B. Í framhaldi af góðum sigri á sunnudaginn voru allir tilbúnir í annan slíkan og því var byrjað af krafti gegn Mosfellingum og strax var komist í um 5 marka forystu sem hélst út fyrri hálfleik (16-11). Í seinni hálfleik misstum við reyndar aðeins einbeitingu og hleytum Aftureldingu í jafna stöðu (22-22) þegar um 15 min voru eftir. Þá var tekið stutt leikhlé, mannskapurinn róaður og strengir stilltir og uppfrá því var leiðin bara uppá við. 10 mörk gegn 2 hjá Mosfellingum og lokaniðurstöður 32-24. Heimsliðið er því komið með 4 stig af 8 mögulegum og ætti að vera í kringum 5-6 sætið þegar umferðinni verður lokið. — Segja eitthvað um hrunið? Nei, pass. — Á föstudaginn ákváðum ég, Árný, Stjáni og Sandra að skreppa uppá Bifröst og kíkja á hátíðarkvöldverð HHS deildarinnar. Halló halló, djöfull var það gaman. Nostalgía, góður matur og mikið skrall. Mjög sáttur með ferðina og þynnkulaugardag í sveitinni. Held að ég muni áfram kalla Bifröst “heima” í smá tíma, frábær staður. — Spurning hvað eigi svo að gera þessa helgi. Grill hjá Stjána, afslöppun, ræktin og heilsusamlegt húllumhæ (og reyna að vinna að því að taka við af Krumma sem aðallínumaður liðsins), bíó (Bond), djamm eða eitthvað allt annað? Held ég reyni allavega að troða Bond og ræktinni þarna einhverstaðar. — Vá hvað þetta hefði verið mikið stærri frétt ef þetta hefði gerst fyrir 2 mán síðan (þ.e. fréttin komið fram) — Það má margt gott segja um þær hugmyndir að taka upp einhliða aðra mynt en krónu hérlendis, en hefur fólk ekkert velt því fyrir sér að með tilheyrandi hækkunar lána vegna verðbólgunnar undanfarið, þá mun slæm gengisstaða gera það að verkum að hækkunin á lánum verður töluvert meiri ef farið verður út í þessar aðgerðir. Djöfullsins, gat ekki setið á mér að nefna eitthvað tengt hruninu — Langar í lokin að benda á nokkra áhugaverða tengla sem maður hefur ratað á með netvafri síðustu daga: Africa, skattar í us, mcdonalds, god - a god?. og nokkur fyndin: rational?, skrípó, kveðjur frá nördum, wtf?, us forsetar, it’s the hat, indy, fail, kandídatar, svekkjandi að sjá þetta svona Skráð sem: Bifröst og Dagleg skrif og Djamm og skemmtanir og Fréttir og Pólitík og grín og íþróttir Svör: 1 svar komið |
|
Posted on 10.14.08 by steini @ 17:38
Áhugavert að sjá viðbrögð fólks við fréttum sem þessari. Þið getið ímyndað ykkur hvað gerist þegar einn dag flestar/allar millifærslur eru stöðvaðar vegna þess að erlendir bankar neita að eiga viðskipti við landið og allar þessar færslur koma til baka. Nokkrir starfsmenn sem hafa haft nóg að gera við að leiðrétta mistök og vitlaus IBAN númer hingað til fá allt í einu langflestar færslur sem gerðar eru og eiga að redda því bara einn tveir og bingó. Auðvitað er fólk að gera sitt besta að reyna að bakfæra þetta, en það tekur tíma að matcha færslur saman. Ekki bætir úr skák að 300 manns var nýlega sagt upp úr fyrirtækinu og því ekki jafn líklegt að hlaupa til aðstoðar annarsstaðar frá þegar mikið er að gera. Þetta er bara svipað og þegar það verða álagstímar í fyrirtækjum, byrjun mánaðar í bönkum eða þegar fyrsta hálkan kemur á veturnar og allt fyllist á dekkjaverkstæðum. Fólk þarf bara að bíða meðan röðin minnkar og það verður hægt að afgreiða alla. Skráð sem: Dagleg skrif og Fréttir Svör: It´s all happening! - (3) |
|
Posted on 10.13.08 by steini @ 17:50
Á baksíðu Morgunblaðsins í dag kemst fréttamaður að því að það er dýrara að borða á veitingastöðum en heima hjá sér. Bendir á að þó hann kaupi pasta, tómatsósu, hakk og jafnvel parmasan ost í bónus, þá sé það ódýrara en að fara út að borða með fjölskyldunni. Vel gert herra blaðamaður, vel gert, þvílík framúrskarandi blaðamennska hefur sjaldan sést á síðum íslenskra blaða. Auðvitað kostar ekkert að halda úti veitingastað með húsnæðiskostnaði, launakostnaði o.s.frv. Hver samþykkti eiginlega þetta rugl sem frétt? Skráð sem: Dagleg skrif og Fréttir Svör: Ekkert ennþá |
|
Posted on 10.12.08 by steini @ 13:54
Sjaldan hefur maður séð Egil Helgason jafn lélegan og í Silfrinu áðan. Viðtalið við Jón Ásgeir byrjaði ágætlega og hann kom með nokkra punkta á Jón Ásgeir og sagði hann bera töluverða ábyrgð á því sem hefði gerst hérlendis. Strax og Jón Ásgeir stoppaði aftur á móti Egil og sagði að öll þeirra félög hefðu verið í skilum og að þau hefðu verið að ganga upp þegar (alþjóðlega) hrunið fór af stað, þá fór Egill bara að gagga “Þetta er þér að kenna Jón, þetta er þér að kenna”, bara á mismunandi hátt án þess að koma með nein rök fyrir því. Meðan Egill missti sig svo í góðan tíma og gaggaði bara að þetta væri allt Jón Ásgeiri og félögum að kenna hélt Jón Ásgeir sig rólegum og kom mun betur út úr viðtalinu, allavega ef miðað er við þær forsendur sem uppi eru og hvernig maður bjóst við að hann ætti varla að geta varið sig í þessu viðtali. Skráð sem: Dagleg skrif og Fréttir og Pólitík Svör: 1 svar komið |
|
Posted on 10.12.08 by steini @ 12:30
Við þessa frétt á mbl er mjög furðuleg mynd látin fylgja með. Tengingin er allavega frekar langsótt. Myndin er frá Stríðssafninu í Seoul og einhverjir krakkar eru þar að leika sér fyrir framan minnismerki af S-Kóreskum hermönnum (og reyndar óbreyttum borgurum líka) frá því í Kóreustríðinu. Hér er t.d. ein mynd sem ég tók þegar ég fór og skoðaði safnið. Hér er safnið á wiki og svo önnur mynd sem sýnir sama merki betur. Þannig að tengingin við að N-Kórea sé nú talin hryðjuverkafrítt land virðist ekki vera mikil. Það væri þá hugsanlega í tengslum við hugmyndir um sameiningu ríkjanna (fyrir aftan þetta minnismerki er annað merki sem sýnir tvö brot sem tákna suður og norður Kóreu og vænta sameiningu ríkjanna) og að hryðjuverkatengsl n-Kóreu muni hverfa við þá sameinginu. Líklegast er þó að blaðamaðurinn hafi skrifað “war + korea” eða eitthvað álíka í fréttamyndagagnagrunn og fundið þessa mynd. Allavega er tenging hennar við fréttina lítil sem engin, í besta falli mjög langsótt. Skráð sem: Dagleg skrif og Fréttir og Kórea Svör: Ekkert ennþá |
|
Posted on 09.22.08 by steini @ 21:03
Það hefur í nokkurn tíma verið til skoðunar að leyfa byggingu mosku í Reykjavík. Eitthvað eru þó skipulagsmál að flækjast fyrir og hugmyndir um flatarmál lóðar og hæð turna er eitthvað sem er endalaust verið að fara yfir. Í dag hefur töluverð umræða verið á netinu og víðar um hvort gott og gilt sé að veita múslimum hérlendis leyfi til byggingar á þessari mosku. Sjálfur sé ég ekkert að því að aðrir en kristnir fái að byggja sér safnaðarhús (svona fyrir utan að mér finndist mun gáfulegra ef engin safnaðarhús yfir höfuð væru byggð), en það er þó eitt sem ég vona svo sannarlega að fái ekki að ganga í gegn. Bænastundir í kallkerfi fyrir utan moskur væru eitthvað sem ég teldi algjört klúður. Við skulum alls ekki vera að bæta óþarfa hljóðmengun við það sem kirkjuklukkurnar valda nú þegar. — HHS djammið á laugardaginn tókst held ég bara frábærlega. Mætingin var töluverð og ég held að ég geti fullyrt að fólk hafi almennt skemmt sér konunglega. Partýið stóð til svona hálf þrjú þegar síðustu gestir fóru í bæinn. Ég kíkti með fríðum hóp djammara á Sssól ball á NASA og komst að því að ég þekki eiginlega ekkert af lögunum þeirra. Ekki alveg nógu sniðugt, samt ágætt. Á föstudaginn kíkti ég aftur á móti í staffadjamm í Hafnarfjörðinn þar sem ég ætlaði nú bara að stoppa stutt við og fara heim þegar aðrir færu í bæinn. Veðrið var aftur á móti mjög slæmt þannig að enginn vildi fara niður í bæ. Ég fór því heim á sama tíma og aðrir, í kringum 5 leitið. Ekki alveg það sem ég hafði í huga, en varð svo bara að fínustu skemmtun. Skráð sem: Dagleg skrif og Djamm og skemmtanir og Fréttir og Pólitík og Trúmál Svör: 1 svar komið |
|
Posted on 08.27.08 by steini @ 1:10
Í dag benti Matthías Ásgeirsson í Vantrú á að ræða Guðna Ágústssonar á vef Alþingisvefsins, eins og hún kemur fyrir í textaformi, sé aðeins öðruvísi en sú sem hann hélt í ræðustól. Fyrst bjuggust menn við að þetta væri einhver yfirsjón hjá þeim sem slá inn ræðurnar, en Vísir hafði samband við Guðna og þar viðurkenndi hann að hann hafi breytt ræðunni eftir á þar sem hann taldi sig hafa gengið of langt.
Fyrir utan hve rangt mér finnst það að vera að breyta ræðunum eftir á, þá fer Guðni hér vel yfir strikið og breytir hreinlega merkingu orða sinna. Ég tel annars að einhver fjölmiðillinn ætti að senda spurningalista á þingmenn og spurjast fyrir hvort þeir hafi breytt ræðum sínum og ef svo er hvort þeir geri það oft. Ég vil vita hvort þingmenn landsins komi hreint fram eður ei. Þetta hefur reyndar kanski aðeins minna vægi en mörg lygin sem sögð er, en óheiðarleiki er þetta samt og ég tel að ráðamenn þjóðarinnar eigi ekki að standa í þannig leik. Í versta falli ætti (annars góður) alþingisvefurinn að taka það til skoðunar að hafa möguleika á að ræður þingamanna birtist óbreyttar, en þingmenn geti svo gert athugasemdir (eins og comments í word eða alíka) við punkta sem þeir telja sig hafa farið offari í eins og þessu máli — Kaldhæðni dagsins frá Denver Skráð sem: Dagleg skrif og Fréttir og Pólitík Svör: Ekkert ennþá |
|
Posted on 06.21.08 by steini @ 16:30
Málefni HÍ rata oft í fjölmiðla, enda um stóra stofnun að ræða með marga starfsmenn og nemendur. Nú síðast vegna skrifa Svans Kristjánssonar um skólann og mál Hannesar H. Gissurarsonar. Hvernig sem menn horfa á það málefni (kæruna gegn HHG), má ljóst þykja að orðstýr skólans beið skaða af og áhyggjur og skoðanir Svans því að einhverju leiti réttmætar. Það má svo aftur á móti spyrja sig hvort maður fái rétta mynd af stöðu mála þegar 2 menn sem hafa eldað grátt silfur saman svo lengi eigast við. En HÍ og HHG var ekki það sem ég ætlaði að pæla í hér. Í sambandi við umfjöllun um HÍ síðustu árin hefur mikið verið talað um þennan top 500 lista og að HÍ þurfi að komast á top 100 innan einhverra X ára. Í þeirri umræðu fannst mér aldrei nægjanlega vel tekið fram að Háskólinn væri ekki einu sinni á top 500 listanum. Þessi grein hans Pawel Bartoszek á deiglunni sýnir svo að þetta markmið er frekar langt utan við þann raunveruleika sem við búum við. Hann skrifaði þessa grein fyrir 2 árum, en samkvæmt skýrslunni frá því í fyrra, er HÍ ekki enn kominn á þennan top 500 lista. Spurning hvenær HÍ fer að setja sér raunhæf markmið, en gefur ekki bara frá sér fögur fyrirheit um eitthvað sem verður seint eða aldrei. Nýjustu markmiðin um að vera á top 10 á einhverjum fjórum sviðum gæti alveg breytt þessu eitthvað smá, en er þá ekki allavega krafa um að upplýsa hver þessi fjögur svið eiga að vera og í hvaða verkefni eigi að leggja mikinn kraft og dugnað í? Lítur dálítið út fyrir að hafa verið enn ein upphrópunin um fögur fyrirheit sem ekkert er á bakvið, enda yrðu örugglega þær deildir sem ekki myndu vera hluti af þessu verkefni frekar sárar og þá kæmi örugglega að þeirri fyrirstöðu að skólinn er ríkisrekinn og að ekki mætti upphefja deilir umfram aðrar meira en nú er. Skráð sem: Dagleg skrif og Fréttir Svör: Ekkert ennþá |
|
Posted on 06.16.08 by steini @ 17:48
Svona til að setja þessa veiðiferð okkar aðeins í samhengi við fréttir dagsins, þá er hérna mynd úr google earth og smá viðmið. Mælirinn segir 1.76 km, en ég hef sirkað Hraun aðeins ranglega út á kortinu og það er aðeins lengra í burtu í raun (sjá seinni mynd). Þetta eru því örugglega um 2 km samtals.
Skráð sem: Fréttir Svör: Ekkert ennþá |
|
Posted on 06.16.08 by steini @ 14:54
Skemmtilegar fréttir frá Hrauni á Skaga. Spurning hvort maður taki ekki eins og einn riffil með þegar maður fer að veiða eftir 2 vikur, en eins og kanski einhverjir vita er vatnið sem við veiðum í á landi Hrauns og aðeins um 3-4 km frá staðsetningu þessa björns. Viðbót: Stundum efast ég virkilega um að heilastarfsemi sumra moggabloggara sé einhver. Eftir að þetta seinna ísbjarnarmál kom upp er fólk að keppast við að tala um að ekki megi skjóta bjössa og að það þurfi að svæfa hann og fanga og flytja til Grænlands, já eða þá ennþá betra, leyfa honum bara að chilla þarna út í fjöru svo við getum grætt á ferðamönnum sem koma að skoða hann. Maður hefur verið að sjá hálfvitaleg komment hjá þessum fyrrgreindu moggabloggurum eins og t.d. að Björninn sé meinlaus, hafi ekki gert neinum neitt og sé ekki neinum til ama. Já eða að það megi ekki skjóta hann því það stefni ímynd Íslands á alþjóðavettvangi í hættu, auk þess sem fólki virðist allt í einu vera orðið skítsama um líf annara dýra eins og fugla, bara af því að ísbirnir eru sjaldgæfir hér á landi auk þess sem dýrið er svo tignarlegt. Einn bloggarinn talar svo um að hún muni tryllast verði bjössi drepinn og biður lögregluna um að nota þessa litlu baun sem þeir hafi. — Júlíus og Ebbi eru aftur á móti ekki skemmtilegir. Ísbjörn mætti éta þá. Skráð sem: Dagleg skrif og Fréttir Svör: 1 svar komið |
| previous posts » |
