|
Posted on 10.12.08 by steini @ 12:30
Við þessa frétt á mbl er mjög furðuleg mynd látin fylgja með. Tengingin er allavega frekar langsótt. Myndin er frá Stríðssafninu í Seoul og einhverjir krakkar eru þar að leika sér fyrir framan minnismerki af S-Kóreskum hermönnum (og reyndar óbreyttum borgurum líka) frá því í Kóreustríðinu. Hér er t.d. ein mynd sem ég tók þegar ég fór og skoðaði safnið. Hér er safnið á wiki og svo önnur mynd sem sýnir sama merki betur. Þannig að tengingin við að N-Kórea sé nú talin hryðjuverkafrítt land virðist ekki vera mikil. Það væri þá hugsanlega í tengslum við hugmyndir um sameiningu ríkjanna (fyrir aftan þetta minnismerki er annað merki sem sýnir tvö brot sem tákna suður og norður Kóreu og vænta sameiningu ríkjanna) og að hryðjuverkatengsl n-Kóreu muni hverfa við þá sameinginu. Líklegast er þó að blaðamaðurinn hafi skrifað “war + korea” eða eitthvað álíka í fréttamyndagagnagrunn og fundið þessa mynd. Allavega er tenging hennar við fréttina lítil sem engin, í besta falli mjög langsótt. Skráð sem: Dagleg skrif og Fréttir og Kórea Svör: Ekkert ennþá |
|
Posted on 09.22.08 by steini @ 21:03
Það hefur í nokkurn tíma verið til skoðunar að leyfa byggingu mosku í Reykjavík. Eitthvað eru þó skipulagsmál að flækjast fyrir og hugmyndir um flatarmál lóðar og hæð turna er eitthvað sem er endalaust verið að fara yfir. Í dag hefur töluverð umræða verið á netinu og víðar um hvort gott og gilt sé að veita múslimum hérlendis leyfi til byggingar á þessari mosku. Sjálfur sé ég ekkert að því að aðrir en kristnir fái að byggja sér safnaðarhús (svona fyrir utan að mér finndist mun gáfulegra ef engin safnaðarhús yfir höfuð væru byggð), en það er þó eitt sem ég vona svo sannarlega að fái ekki að ganga í gegn. Bænastundir í kallkerfi fyrir utan moskur væru eitthvað sem ég teldi algjört klúður. Við skulum alls ekki vera að bæta óþarfa hljóðmengun við það sem kirkjuklukkurnar valda nú þegar. — HHS djammið á laugardaginn tókst held ég bara frábærlega. Mætingin var töluverð og ég held að ég geti fullyrt að fólk hafi almennt skemmt sér konunglega. Partýið stóð til svona hálf þrjú þegar síðustu gestir fóru í bæinn. Ég kíkti með fríðum hóp djammara á Sssól ball á NASA og komst að því að ég þekki eiginlega ekkert af lögunum þeirra. Ekki alveg nógu sniðugt, samt ágætt. Á föstudaginn kíkti ég aftur á móti í staffadjamm í Hafnarfjörðinn þar sem ég ætlaði nú bara að stoppa stutt við og fara heim þegar aðrir færu í bæinn. Veðrið var aftur á móti mjög slæmt þannig að enginn vildi fara niður í bæ. Ég fór því heim á sama tíma og aðrir, í kringum 5 leitið. Ekki alveg það sem ég hafði í huga, en varð svo bara að fínustu skemmtun. Skráð sem: Dagleg skrif og Djamm og skemmtanir og Fréttir og Pólitík og Trúmál Svör: 1 svar komið |
|
Posted on 08.27.08 by steini @ 1:10
Í dag benti Matthías Ásgeirsson í Vantrú á að ræða Guðna Ágústssonar á vef Alþingisvefsins, eins og hún kemur fyrir í textaformi, sé aðeins öðruvísi en sú sem hann hélt í ræðustól. Fyrst bjuggust menn við að þetta væri einhver yfirsjón hjá þeim sem slá inn ræðurnar, en Vísir hafði samband við Guðna og þar viðurkenndi hann að hann hafi breytt ræðunni eftir á þar sem hann taldi sig hafa gengið of langt.
Fyrir utan hve rangt mér finnst það að vera að breyta ræðunum eftir á, þá fer Guðni hér vel yfir strikið og breytir hreinlega merkingu orða sinna. Ég tel annars að einhver fjölmiðillinn ætti að senda spurningalista á þingmenn og spurjast fyrir hvort þeir hafi breytt ræðum sínum og ef svo er hvort þeir geri það oft. Ég vil vita hvort þingmenn landsins komi hreint fram eður ei. Þetta hefur reyndar kanski aðeins minna vægi en mörg lygin sem sögð er, en óheiðarleiki er þetta samt og ég tel að ráðamenn þjóðarinnar eigi ekki að standa í þannig leik. Í versta falli ætti (annars góður) alþingisvefurinn að taka það til skoðunar að hafa möguleika á að ræður þingamanna birtist óbreyttar, en þingmenn geti svo gert athugasemdir (eins og comments í word eða alíka) við punkta sem þeir telja sig hafa farið offari í eins og þessu máli — Kaldhæðni dagsins frá Denver Skráð sem: Dagleg skrif og Fréttir og Pólitík Svör: Ekkert ennþá |
|
Posted on 06.21.08 by steini @ 16:30
Málefni HÍ rata oft í fjölmiðla, enda um stóra stofnun að ræða með marga starfsmenn og nemendur. Nú síðast vegna skrifa Svans Kristjánssonar um skólann og mál Hannesar H. Gissurarsonar. Hvernig sem menn horfa á það málefni (kæruna gegn HHG), má ljóst þykja að orðstýr skólans beið skaða af og áhyggjur og skoðanir Svans því að einhverju leiti réttmætar. Það má svo aftur á móti spyrja sig hvort maður fái rétta mynd af stöðu mála þegar 2 menn sem hafa eldað grátt silfur saman svo lengi eigast við. En HÍ og HHG var ekki það sem ég ætlaði að pæla í hér. Í sambandi við umfjöllun um HÍ síðustu árin hefur mikið verið talað um þennan top 500 lista og að HÍ þurfi að komast á top 100 innan einhverra X ára. Í þeirri umræðu fannst mér aldrei nægjanlega vel tekið fram að Háskólinn væri ekki einu sinni á top 500 listanum. Þessi grein hans Pawel Bartoszek á deiglunni sýnir svo að þetta markmið er frekar langt utan við þann raunveruleika sem við búum við. Hann skrifaði þessa grein fyrir 2 árum, en samkvæmt skýrslunni frá því í fyrra, er HÍ ekki enn kominn á þennan top 500 lista. Spurning hvenær HÍ fer að setja sér raunhæf markmið, en gefur ekki bara frá sér fögur fyrirheit um eitthvað sem verður seint eða aldrei. Nýjustu markmiðin um að vera á top 10 á einhverjum fjórum sviðum gæti alveg breytt þessu eitthvað smá, en er þá ekki allavega krafa um að upplýsa hver þessi fjögur svið eiga að vera og í hvaða verkefni eigi að leggja mikinn kraft og dugnað í? Lítur dálítið út fyrir að hafa verið enn ein upphrópunin um fögur fyrirheit sem ekkert er á bakvið, enda yrðu örugglega þær deildir sem ekki myndu vera hluti af þessu verkefni frekar sárar og þá kæmi örugglega að þeirri fyrirstöðu að skólinn er ríkisrekinn og að ekki mætti upphefja deilir umfram aðrar meira en nú er. Skráð sem: Dagleg skrif og Fréttir Svör: Ekkert ennþá |
|
Posted on 06.16.08 by steini @ 17:48
Svona til að setja þessa veiðiferð okkar aðeins í samhengi við fréttir dagsins, þá er hérna mynd úr google earth og smá viðmið. Mælirinn segir 1.76 km, en ég hef sirkað Hraun aðeins ranglega út á kortinu og það er aðeins lengra í burtu í raun (sjá seinni mynd). Þetta eru því örugglega um 2 km samtals.
Skráð sem: Fréttir Svör: Ekkert ennþá |
|
Posted on 06.16.08 by steini @ 14:54
Skemmtilegar fréttir frá Hrauni á Skaga. Spurning hvort maður taki ekki eins og einn riffil með þegar maður fer að veiða eftir 2 vikur, en eins og kanski einhverjir vita er vatnið sem við veiðum í á landi Hrauns og aðeins um 3-4 km frá staðsetningu þessa björns. Viðbót: Stundum efast ég virkilega um að heilastarfsemi sumra moggabloggara sé einhver. Eftir að þetta seinna ísbjarnarmál kom upp er fólk að keppast við að tala um að ekki megi skjóta bjössa og að það þurfi að svæfa hann og fanga og flytja til Grænlands, já eða þá ennþá betra, leyfa honum bara að chilla þarna út í fjöru svo við getum grætt á ferðamönnum sem koma að skoða hann. Maður hefur verið að sjá hálfvitaleg komment hjá þessum fyrrgreindu moggabloggurum eins og t.d. að Björninn sé meinlaus, hafi ekki gert neinum neitt og sé ekki neinum til ama. Já eða að það megi ekki skjóta hann því það stefni ímynd Íslands á alþjóðavettvangi í hættu, auk þess sem fólki virðist allt í einu vera orðið skítsama um líf annara dýra eins og fugla, bara af því að ísbirnir eru sjaldgæfir hér á landi auk þess sem dýrið er svo tignarlegt. Einn bloggarinn talar svo um að hún muni tryllast verði bjössi drepinn og biður lögregluna um að nota þessa litlu baun sem þeir hafi. — Júlíus og Ebbi eru aftur á móti ekki skemmtilegir. Ísbjörn mætti éta þá. Skráð sem: Dagleg skrif og Fréttir Svör: 1 svar komið |
|
Posted on 06.03.08 by steini @ 18:26
Rosalega er fólk að missa sig yfir þessum ísbjarnafréttum. Skoðum þetta mál aðeins á raunsægju nótunum. Í fyrsta lagi geta ísbirnir orðið hættulegir. Þessi ísbjörn hefur væntanlega verið í góðan tíma á ferðalaginu sínu og jafnvel í einhvern tíma á Íslandi. Á þeim tíma hefur hann örugglega ekki borðað neitt rosalega mikið og því orðinn svangur eða stutt í að hann verði svangur. Það þýðir að ekki myndi líða á löngu þangað til hann færi að skoða hvað hægt væri að borða á nærstöddum bæjum eða jafnvel inná Sauðárkróki. — Styrmir kveður með hvelli í gær þegar hann átti frekar spes leiðara. Ólafur átti svo í dagmisheppnaða fyrstu forsíðu Skráð sem: Dagleg skrif og Fréttir Svör: It´s all happening! - (6) |
Gaman að þessu
|
Posted on 04.29.08 by steini @ 11:03
Kannski er ég bara svona narrow minded á allt sem tengist nýöld og allskonar kukl fræðum, en mér finnst það mjög kaldhæðnislegt þegar “detox drottningar” (sjá fréttablaðið í dag bls 22) tala um að kasta steinum úr glerhúsi. Að vera að halda einhverju fram sem hefur ekkert staðfast á bakvið sig og vilja svo meina að aðrir sem geri það sama séu að kasta steinum úr glerhús… Fyrir mér er þetta svipað og þegar trúaðir einstaklingar upphefja sinn guð, en á sama tímapunkti útiloka þeir að aðrir gætu verið til. — Var með smá hitting fyrir garðabæjar og verslóliðið á föstudaginn. Held að það hafi bara heppnast ágætlega. Allavega var fólk fram eftir nóttu og spjallað var um allt milli himins og jarðar. Langt síðan maður hefur hitt flest af þessu fólki. Þakka allavega gestunum fyrir komuna. — Kúrsinn Trúarbrögð og stjórnmál er byrjaður. Þetta er 3 vikna kúrs með lokaritgerð uppá 15 bls. Áhugavert efni, en ég get ekki sagt að ég sé orðinn ready til að pæla í ritgerðinni enn, eða að maður sé mjög áhugasamur að fara að lesa á fullu. Það hlýtur samt að koma. — Það byrjaði svo að snjóa smá í dag hér uppfrá. Þ.e. það komu nokkur snjókorn, þó ekkert þeirra hafi enn náð að festa sig á jörðina. Vonum að það gerist ekki. — — Finnst dálítið fyndið að heyra og lesa um alla vera að tala um hvað hitt og þetta geti verið ógn við stöðugleikann (í efnahagsmálum). Hvernig væri nú að fólk færi að tala um þetta á réttan hátt. Það er ekkert stöðugleiki og allar breytur sem einhverju skipta í því samhengi hafa áhrif á óstöðugleikann, en ekki stöðugleikann. Skráð sem: Bifröst og Dagleg skrif og Fréttir og Tónlist Svör: Ekkert ennþá |
|
Posted on 03.30.08 by steini @ 3:05
Afhverju setur fréttamaður á mbl.is gæsalappir utan um orðið trú í fréttinni sem ber yfirskriftina Doherty tekur “trú”? Skráð sem: Fréttir og Trúmál Svör: Ekkert ennþá |
|
Posted on 03.28.08 by steini @ 15:38
Þegar ég sá þessa frétt á mbl hugsaði ég bara um það hvað hægt væri að sjá staðlímynir út úr öllu og þetta væri bara plebbaskapur í sjálfskipuðum siðapostulum (þetta er btw algjör tísku orðatvenna). Svo fletti ég upp forsíðunni og bara baby jesus! Er hægt að gera hallærislegri mynd og að reyna að láta manneskju líkjast king kong meira? Það má svo deila um það hvort hægt sé að sjá ákveðnar staðalímyndir úr myndinni, en það er greinilegt að blaðið hefur viljað stuða fólk og vekja upp umfjöllun um forsíðuna. Þetta er allavega í besta falli ótrúlega hallærisleg mynd. Sérstakt með þessa Rás2 tónleika sem kallast Rokka hringinn. Þarna er verið að tala um að nú þurfi sko að vera með tónleika fyrir landsbyggðina og hvað er gert? Jú, það verða tónleikar á Selfossi, Reykjavík, Reykjanesbæ, Akureyri, Höfn, Vestmannaeyjum og Eskifirði. Okey, það verða sem sagt tæplega helmingur tónleikanna í kringum Reykjavík (reykjavík, reykjanesbær og selfoss) meðan annar helmingur verður á landsbyggðinni. Einnig er athugavert að engir tónleikar verða frá Akureyri til Reykjavíkur. Ekkert í Skagafirði, Húnavatnssýslu, Vestfjörðum, Snæfellsnesi eða Borgarbyggð. Að lokum langar mig bara að segja eitt. Hálfvitar! Skráð sem: Dagleg skrif og Fréttir Svör: 1 svar komið |
| « newer posts | previous posts » |
