Orðið frekar langt síðan maður hennti inn færslu hér svo ætli það sé ekki kominn tími á nýja. Vill byrja með að þakka öllum fyrir góðar kveðjur á afmælisdaginn, gaman að fá svona frá fólki.
Hér í Kóreu er svo byrjað að hausta töluvert. Hitinn lækkar dag frá degi og er örugglega núna svona kringum 8-10°c á daginn og kringum frostmark á nóttunni. það góða við þetta er samt að þetta þýðir ENGAR MOSKÍTÓ!!! Þannig að ég mun geta sofið rótt það sem eftir er ferðarinnar.
Búið að vera töluvert að gera síðustu daga og vikur. Eftir prófin var skellt sér á smá djamm og svo er Palli búinn að vera á fullu í trommuskólanum og báðir búnir að kíkja í klifur. Einnig fórum við á Nanta sýninguna síðasta mánudag, en þar eru eldhúsáhöld notuð sem áslátturshljóðfæri og smá gríni blandað í þetta. Þó sýningin hafi verið smá barnaleg á köflum (enda fjölskyldusýning), þá var þetta mjög flott show og skemmtileg tónlist. Um helgina ætlum við Palli svo að skella okkur með skiptinemunum í helgarferð uppí þjóðgarð sem er einhverja 2-3 tíma í burtu frá seoul. Ætlum þar að labba um á daginn og fara í heita pottinn hjá hótelinu á kvöldin. Verst er að við eigum ekkert af hlýjum fötum þannig að maður þarf að fara að spreða smá í hlýja peysu og föðurland á morgun. Vonum að það verði ekki of dýrt.
Í gær kíkti ég svo á Namdaemun markaðinn hér í Seoul, en hann er einn af stærri mörkuðunum hér. Þetta eru mest megnis einhverjar litlar þröngar götur þar sem selt er allskonar ekta kóreskur varningur. Allt frá geimverulegum heilsurótum yfir í myndavélar og ipoda. Keypti mér nú ekkert, en fann ágætis verð á kóreska þjóðbúningnum og sá nokkra cool boli sem ég fjárfesti kanski seinna í. Í leiðinni skoðaði ég svo gamla suður hliðið af Seoul, sem heitir einmitt Namdaemun
Myndir frá hliðinu og markaðinum hér (sorry hvað ég tók fáar myndir frá markaðinum, gleymdi mér alveg í að skoða :))

—

Þá er fyrsta sería af Californication búin og ég get bara sagt að ég sé svona nokk sáttur með hvernig hún endaði. Þó að þetta hafi endað með smá væmnu dæmi, þá er bara að vona að sería 2 tækli þetta á krassandi hátt eins og þeirra er von og vísa.

—

Sá frétt um daginn á mbl sem mér fannst frekar asnaleg. Þar var verið að segja frá ofsaakstri einhverstaðar úti á landi og í stað þess að segja “ofsaakstur” eða “glannaakstur” eða eitthvað í svipuðum dúr, þá var sagt “methraði”. Það var svona eins og höfundur væri að segja frá því að met hefði verið slegið í hraðakstri á landsbyggðinni, en hver er svo venjulega afstaða fólks til meta? Jú að bæta þau…

—

Það er svo einkennilegt hvernig allt virðist reddast hjá okkur Palla. Á þriðjudaginn eftir Nanta showið sem ég talaði um hér að ofan, þá áttum við víst að vera með kynningu á ákv. umfjöllunarefni í Understanding Korean Society. Einhverra hluta vegna vorum við alveg búnir að stimpla það í hausinn á okkur að það væri ekki fyrr en næsta þriðjudag svo við vorum ekkert að stressa okkur yfir þessu þar til um morguninn þegar ég kíkti óvart á námsáætlunina og sá nöfnin okkar. Mættum svo í tímann hálf skömmustulegir til að heyra kennarann segja að hann þyrfti að fara fyrr þennan daginn og því gæfist ekki kostur fyrir allar kynningarnar og kynningin hjá mér og Palla yrði að bíða þar til í næstu viku. Já, það er gaman af þessu

—

Djöfull finnst mér kostulegt að fylgjast með því að verið sé að breyta biblíunni til að gera hana meira political correct fyrir nútímann auk þess að reyna að koma meira jafnræði í hana og minnka fordóma gangvart minnihlutahópum. Ætli kirkjan sé nokkuð að gera þetta vegna þeirrar tilvistarkreppu sem hún er í og vegna þess að uppgötva að fólk er að snúast gegn henni? Væntanlega. En það skrítnasta við þetta allt saman er að meðan hún reynir að höfða til nýrra hópa þá snýr hún næstum algjörlega baki við þá hvað mest trúa á guð kirkjunnar og hans boðskap og hreinlega breytir merkingum nokkurra versa.
Enn betra finnst mér samt að meðan nýja political correct biblían selst eins og heitar lummur, þá selst bók sem rökrætt er um hvort sé rasísk, tíu litlir negrastrákar, mun betur og situr nr. 1 á sölulistum
Það ætlar greinilega bara að fara þannig að hvað sem kirkjan gerir, þá vill almenningur gera eitthvað annað… og ég er að fíla það

—

Nýja tónlistin er svo klárlega Datarock. Þakka Steina bróðir kærlega fyrir að hafa kynnt mig fyrir þessu. Tekur smá tíma að melta, en eftir það er þetta snilld.