Úfff… Karma karma karma… er ekki frá því að það sé eitthvað til í því. Fékk nefnilega hjólið hans Valda lánað þegar hann fór og lofaði að koma því til baka með jónínu þegar hún færi. Hún fór snemma á laugardagsmorguninn og ég ákvað að nenna ekki á fætur, nota hjólið nokkra daga í viðbót og senda það svo bara með pósti.
En hvað gerist á sunnudaginn? Jú, splunkunýja hjólinu hans Valda er stolið fyrir utan S-lestar stöðina hér í Herlev. Ekki sáttur. Helvíti leiðinlegt að enda ferðina með svona rugli

—

Í fyrradag sá ég frétt í blaðinu 24 timar hér í Danmörku. Þetta er eitt af þessum fríblöðum sem er dreift í lestunum og það sem vakti athygli mína var grein um vændismarkaðinn í Svíþjóð. Því var haldið fram að þessi breyting sem hefði orðið í löggjöfinni þar (nú eru kúnnarnir glæpamenn, ekki þær/þeir sem selja sig) væri bara af hinu slæma og hefði ekki skilað neinu jákvæðu. Sem dæmi þá var það t.d. orðið mun algengara að kúnnarnir krefðust þess að vændiskonurnar færu eitthvað langt í burtu með þeim til að það væru engar líkur á að lögreglan myndi komast að þessum business, en á sama tíma verða þær mun berskjaldaðri fyrir ofbeldi af hendi kúnnans og eiga erfiðara með að fá aðstoð frá lögreglu eða öðrum.
Vegna þessa þyrftu nú vændiskonurnar að fara að treysta á nýja “verndara” og þá hefðu mótorhjólaklúbbar eins og Hells Angels oft orðið fyrir valinu. Vandamálið væri svo bara að sá félagsskapur væri ekki alltaf eitthvað sem fólk vildi umgangast og erfitt væri að koma sér frá þeim. Kærur frá vændiskonum vegna ofbeldis væru heldur ekkert að aukast, þar sem kúnnarnir væru þeim mun duglegri núna við að hóta þeim, þar sem þeir væru orðnir “glæpamennirnir” og þar með hræddari um eigið öryggi.
Það er greinilegt að allar aðgerðir í kringum vændisiðnaðinn eru tvíeggja sverð, ef eitt er bannað verða til ný vandamál á öðrum stað o.s.frv. Finnst samt skrítið að þessi vinkill hafi ekki verið tekinn upp í blöðunum heima. Hef reyndar ekki lesið fréttablaðið, en reyni alltaf að lesa moggann á netinu og hef smá gluggað í blaðið.
Það er eins og öll umræða sem er ekki í “rétta” farveginu, þ.e. að vændi eigi að banna og að sænska leiðin sé hvað sniðugust sé orðið að taboo-i, þeir sem ekki styðja þessa leið eru strax útkallaðir fyrir skoðanir sínar og spurt hvort þeir styðji þá bara mannsal o.s.frv (annað hvort ertu með okkur eða á móti okkur - hljómar þetta ekki eitthvað kunnulega??). En það er einmitt það sem það má ekki vera, það þarf að skoða alla vinklana og finna út hvaða leið er best, ekki bara öskra að ein leið sé betri en önnur þegar engin gögn styðja það. Ég væri t.d. alveg til í að einhverjir blaðamenn færu í smá vinnu við að leita að gögnum sem styðja að sænska leiðin sé notuð (og þá meina ég ekki hugmyndafræðilegar hugmyndir, heldur gögn um það hvernig þessi leið hefur virkað í Svíþjóð og hvað hefur virkað við hana).

—

Ég hef fundið nýjan uppáhaldsþátt. Hann heitir Californication og er með David Duchovny (úr X-files) sem rithöfundurinn Hank Moody. Hank er í einhverskonar mid-life crises og reynir að gera allt til að ná aftur í gömlu kærustuna (sem hann á eina 12 ára dóttir með). Kærastan á aftur á móti nýjan kærasta sem hún vill giftast og allt er svona frekar furðulegt. Í ofanálagi er Hank þvílíkur glaumgosi sem húkkar upp hverja stelpuna á fætur annari, en hugsar samt alltaf um gömlu kærustuna.
Samtölin í þessum þáttum eru hrein snilld og svartur húmor fær að blómstra smá, Hank er nefnilega með kynlíf og kynlífstengda hluti á heilanum.
Fyrstu 5 min af pilotnum eru svo eiginlega bestu byrjunar 5min af öllum pilotum sem ég hef séð. Þvílíkt beittur húmor

—

Var um daginn beðinn um að skrifa grein í eitthvað nýnemablað sem kemur út fyrir nýnema á bifröst. Var sagt að ég mætti skrifa um hvað sem er, um 400 orð. Er ekki enn búinn að ákeða mig almennilega hvað ég ætti að skrifa um. Er svona að velta fyrir mér hvort maður ætti að skrifa tilfinningalega þvælu um nauðsyn vinskapar þegar maður býr á svona kampus þar sem maður hittir sama fólkið over and over, eða hvort maður ætti að skrifa um nokkra áhugaverða punkta um húsnæðimál og verð á röstinni. Aðrar hugmyndir eru svo um skiptinámið, pólitík (mjög ólíklegt), ástæður þess að ég elska og hata Kant, hluti sem hægt er að gera á Bifröst, hvernig eigi að nota fjöldapóstinn með réttum hætti - þ.e. þannig að maður pirri ekki fólk og nái sem mestum árangri, til dæmis með að fá far í ríkið á fimmtudögum, eða hvort maður ætti bara að skrifa um eitthvað allt annað… hugmyndir??

—

Hvar er svo helvítis vegabréfið mitt… vissi að maður ætti aldrei að treysta þessum norsurum fyrir nokkrum sköpuðum hlut - hvað þá vegabréfinu manns.