|
Posted on 11.14.08 by steini @ 22:35
Hér má sjá spurningalista sem Obama lætur fyrir umsækjendur um háttsett störf sem hann mun ráða í sem næsti forseti. Þessi listi hefur víst verið viðurkenndur af þeirri nefnd sem sér um forsetaskiptin fyrir Obama þannig að þetta er ekki bara eitthvað djók. Ath, er líka birt á nytimes síðunni. Meina hver á að geta verið í þessum stöðum meðan spurningar eins og þessi eru í listanum:
Hver hefur ekki gert sig af fífli eða sagt eitthvað vitlaust á netinu? Það er eins og hann sé að leita sér að starfsfólki sem hefur aldrei farið online!
Ef við miðum við gamla gengið, þá er þetta um 4000 kr. Það er ekki meira en 2-3 cd diskar úti. Ekki hátt limit sem maður hefur greinilega til að fá að sækja um vinnu
og
og
Er ekki verið að grínast ? — Hvað sem manni finnst um trú, trúarbrögð eða að peningum sé eytt í kirkjur verður það ekki tekið til baka að margar kirkjur eru mjög flottar og/eða íburðarmiklar. Hér er aftur á móti listi yfir 20 óvenjulegar kirkjur og merkilegt nokk eru 2 íslenskar kirkjur á listanum. Mæli samt með að fólk renni í gegnum þennan lista og tékki t.d. á kólumbísku kirkjunni. Hún lookar mjög töff. Skráð sem: Dagleg skrif og Netið og Pólitík og USA Svör: Ekkert ennþá |
|
Posted on 11.13.08 by steini @ 1:48
Merkilegt hvernig sumir fréttamenn/dálkahöfundar eigna sér efni sem aðrir hafa nýverið skrifað um. Á bls 18 í fréttablaðinu á þriðjudaginn (pdf - html)er t.d. Freyr Gígja Gunnarsson með stuttan pistil um Tékkóslóvakíu 1989 og flauelsbyltinguna og fann út úr því nýtt orð sem passar við íslenskar aðstæður “Flísbylting”. Eða var þetta kanski eitthvað sem hann tók upp hér. Fólk á endilega að skiptast á skoðunum, dreifa skoðunum og hugmyndum sem það telur vera góða eða áhugaverða, en það ætti að vera almenn vinnuregla að geta heimilda. Þetta mætu margir fréttamett taka til sín — Á sunnudaginn hélt Heimsliðið í víking til Selfoss til að etja kappi við Selfyssinga í handknattleik. Eftir mikla baráttu og framúrskarandi karakter stóðu heimsliðsmenn uppi sem sigurvegarar og lönduðu sínum fyrsta sigri á tímabilinu (eftir töp gegn Víking og Júmboys). Lokatölur voru 27-28 og hálfleikstölur 17-13 (fyrir Selfoss). Þeir austanmenn náðu hæst 6 marka forystu í stöðunni 24-18, en þá fór maskínan í gang, Ástþór átti t.d. 3 heimsklassamörk - slánna inn allt saman og Heimsliðið kláraði síðustu 10-12 min leiksins með 10 mörkum gegn 3 hjá Selfoss. Í kvöld var svo annar leikur gegn Aftureldingu B. Í framhaldi af góðum sigri á sunnudaginn voru allir tilbúnir í annan slíkan og því var byrjað af krafti gegn Mosfellingum og strax var komist í um 5 marka forystu sem hélst út fyrri hálfleik (16-11). Í seinni hálfleik misstum við reyndar aðeins einbeitingu og hleytum Aftureldingu í jafna stöðu (22-22) þegar um 15 min voru eftir. Þá var tekið stutt leikhlé, mannskapurinn róaður og strengir stilltir og uppfrá því var leiðin bara uppá við. 10 mörk gegn 2 hjá Mosfellingum og lokaniðurstöður 32-24. Heimsliðið er því komið með 4 stig af 8 mögulegum og ætti að vera í kringum 5-6 sætið þegar umferðinni verður lokið. — Segja eitthvað um hrunið? Nei, pass. — Á föstudaginn ákváðum ég, Árný, Stjáni og Sandra að skreppa uppá Bifröst og kíkja á hátíðarkvöldverð HHS deildarinnar. Halló halló, djöfull var það gaman. Nostalgía, góður matur og mikið skrall. Mjög sáttur með ferðina og þynnkulaugardag í sveitinni. Held að ég muni áfram kalla Bifröst “heima” í smá tíma, frábær staður. — Spurning hvað eigi svo að gera þessa helgi. Grill hjá Stjána, afslöppun, ræktin og heilsusamlegt húllumhæ (og reyna að vinna að því að taka við af Krumma sem aðallínumaður liðsins), bíó (Bond), djamm eða eitthvað allt annað? Held ég reyni allavega að troða Bond og ræktinni þarna einhverstaðar. — Vá hvað þetta hefði verið mikið stærri frétt ef þetta hefði gerst fyrir 2 mán síðan (þ.e. fréttin komið fram) — Það má margt gott segja um þær hugmyndir að taka upp einhliða aðra mynt en krónu hérlendis, en hefur fólk ekkert velt því fyrir sér að með tilheyrandi hækkunar lána vegna verðbólgunnar undanfarið, þá mun slæm gengisstaða gera það að verkum að hækkunin á lánum verður töluvert meiri ef farið verður út í þessar aðgerðir. Djöfullsins, gat ekki setið á mér að nefna eitthvað tengt hruninu — Langar í lokin að benda á nokkra áhugaverða tengla sem maður hefur ratað á með netvafri síðustu daga: Africa, skattar í us, mcdonalds, god - a god?. og nokkur fyndin: rational?, skrípó, kveðjur frá nördum, wtf?, us forsetar, it’s the hat, indy, fail, kandídatar, svekkjandi að sjá þetta svona Skráð sem: Bifröst og Dagleg skrif og Djamm og skemmtanir og Fréttir og Pólitík og grín og íþróttir Svör: 1 svar komið |
|
Posted on 11.05.08 by steini @ 3:11
Nú er það sko svart. Skráð sem: Pólitík Svör: Ekkert ennþá |
|
Posted on 11.02.08 by steini @ 13:56
100 handteknir í Bretlandi. Ætli meirihlutinn af þeim sé ekki frá Íslandi? — Annars er ég sammála honum Steingrími í Silfrinu. Ekki vitlaust að kjósa þegar kemur fram á vor. Held að kosningar akkúart núna séu aðeins of erfiðar og þá muni fljóttekin geðþóttaákvörðun einstaklinga ráða hvað mestu um hver verði kosin, en ekki upplýst ákvörðun þegar fleiri bein eru komin til grafar varaðndi það sem gerðist, afhverju það gerðist o.s.frv. Sjálfur mun ég allavega vandlega þurfa að íhuga hvað ég kýs næst og næstum allir flokkar standa á sama stað í huga mínum núna (fyrir utan einn) varðandi möguleika á að ég kjósi þá. Ég vil aftur á móti fá betri upplýsingar um það hverjir voru að klikka og hverjir voru að taka rangar ákvarðanir áðru en ég geri upp huga minn og kýs nýja stjórn til 4 ára. Þessi 4 ára regla einmitt hefur ups and downs. Flokkar geta tekið ákvarðanir sem eru nauðsynlegar, en ekkert gífurlega vinsælar í blöðum og annari umræðu þar sem þrýstihópar geta farið í hart. Á móti kemur að í erfiðum aðstæðum sem þessari þá halda þeir velli, svo framalega sem ríkisstjórnin haldi velli, jafnvel þótt meirihluti almennings sé ósáttur. — Það er mjög áhugavert að uppgötva í draumi að mann sé að dreyma og geta í framhaldinu ákveðið að fara að stýra atburðarásinni í draumnum og gera allskonar rugl hluti sem manni langar að gera. Það er allavega frekar funky upplifun. Skráð sem: Dagleg skrif og Pólitík Svör: Ekkert ennþá |
|
Posted on 10.12.08 by steini @ 13:54
Sjaldan hefur maður séð Egil Helgason jafn lélegan og í Silfrinu áðan. Viðtalið við Jón Ásgeir byrjaði ágætlega og hann kom með nokkra punkta á Jón Ásgeir og sagði hann bera töluverða ábyrgð á því sem hefði gerst hérlendis. Strax og Jón Ásgeir stoppaði aftur á móti Egil og sagði að öll þeirra félög hefðu verið í skilum og að þau hefðu verið að ganga upp þegar (alþjóðlega) hrunið fór af stað, þá fór Egill bara að gagga “Þetta er þér að kenna Jón, þetta er þér að kenna”, bara á mismunandi hátt án þess að koma með nein rök fyrir því. Meðan Egill missti sig svo í góðan tíma og gaggaði bara að þetta væri allt Jón Ásgeiri og félögum að kenna hélt Jón Ásgeir sig rólegum og kom mun betur út úr viðtalinu, allavega ef miðað er við þær forsendur sem uppi eru og hvernig maður bjóst við að hann ætti varla að geta varið sig í þessu viðtali. Skráð sem: Dagleg skrif og Fréttir og Pólitík Svör: 1 svar komið |
|
Posted on 09.22.08 by steini @ 21:03
Það hefur í nokkurn tíma verið til skoðunar að leyfa byggingu mosku í Reykjavík. Eitthvað eru þó skipulagsmál að flækjast fyrir og hugmyndir um flatarmál lóðar og hæð turna er eitthvað sem er endalaust verið að fara yfir. Í dag hefur töluverð umræða verið á netinu og víðar um hvort gott og gilt sé að veita múslimum hérlendis leyfi til byggingar á þessari mosku. Sjálfur sé ég ekkert að því að aðrir en kristnir fái að byggja sér safnaðarhús (svona fyrir utan að mér finndist mun gáfulegra ef engin safnaðarhús yfir höfuð væru byggð), en það er þó eitt sem ég vona svo sannarlega að fái ekki að ganga í gegn. Bænastundir í kallkerfi fyrir utan moskur væru eitthvað sem ég teldi algjört klúður. Við skulum alls ekki vera að bæta óþarfa hljóðmengun við það sem kirkjuklukkurnar valda nú þegar. — HHS djammið á laugardaginn tókst held ég bara frábærlega. Mætingin var töluverð og ég held að ég geti fullyrt að fólk hafi almennt skemmt sér konunglega. Partýið stóð til svona hálf þrjú þegar síðustu gestir fóru í bæinn. Ég kíkti með fríðum hóp djammara á Sssól ball á NASA og komst að því að ég þekki eiginlega ekkert af lögunum þeirra. Ekki alveg nógu sniðugt, samt ágætt. Á föstudaginn kíkti ég aftur á móti í staffadjamm í Hafnarfjörðinn þar sem ég ætlaði nú bara að stoppa stutt við og fara heim þegar aðrir færu í bæinn. Veðrið var aftur á móti mjög slæmt þannig að enginn vildi fara niður í bæ. Ég fór því heim á sama tíma og aðrir, í kringum 5 leitið. Ekki alveg það sem ég hafði í huga, en varð svo bara að fínustu skemmtun. Skráð sem: Dagleg skrif og Djamm og skemmtanir og Fréttir og Pólitík og Trúmál Svör: 1 svar komið |
|
Posted on 08.27.08 by steini @ 10:48
Það hefur verið áhugavert að sjá marga samfylkingarmenn kvarta undan því undanfarna daga að sjálfstæðismenn séu að nýta sér sigra handboltaliðsins til að koma sjálfum sér á framfæri. Sérstaklega hefur verið rætt um Þorgerði Katrínu í þessu samhengi s.b. þessa grein. Þessu finnst mér reyndar Hafrún nokkur Kristjáns svara ágætlega á blogginu sínu og bendir þar t.d. á að Þorgerður sé ein fróðasta og mest involveraða kona landsins í handboltamálum. Að auki er hún auðvitað yfirmaður íþróttamála í landinu og því skiljanlegt að hún sé tekin í viðtal. Þessir sömu einstaklingar og hafa verið að kvarta hvað mest ættu kanski að líta sér aðeins nær, því í 24 stundum í morgun kemur fram heilsíðuauglýsing (bls 26-27) þar sem mörg fyrirtæki taka sig saman og óska handboltaliðinu til hamingju og þar dúkkar svo einnig upp nafn Samfylkingarinnar. Merkilegt nokk þá er þessi auglýsing ekki með í netútgáfu blaðsins. Það væri áhugavert að fá að vita hvað þeir sem hafa röflað mest um tengingu sjálstæðisflokksins og handboltans segi um þetta nýjasta útspil samfylkingarinnar. Skráð sem: Dagleg skrif og Pólitík Svör: It´s all happening! - (2) |
|
Posted on 08.27.08 by steini @ 1:10
Í dag benti Matthías Ásgeirsson í Vantrú á að ræða Guðna Ágústssonar á vef Alþingisvefsins, eins og hún kemur fyrir í textaformi, sé aðeins öðruvísi en sú sem hann hélt í ræðustól. Fyrst bjuggust menn við að þetta væri einhver yfirsjón hjá þeim sem slá inn ræðurnar, en Vísir hafði samband við Guðna og þar viðurkenndi hann að hann hafi breytt ræðunni eftir á þar sem hann taldi sig hafa gengið of langt.
Fyrir utan hve rangt mér finnst það að vera að breyta ræðunum eftir á, þá fer Guðni hér vel yfir strikið og breytir hreinlega merkingu orða sinna. Ég tel annars að einhver fjölmiðillinn ætti að senda spurningalista á þingmenn og spurjast fyrir hvort þeir hafi breytt ræðum sínum og ef svo er hvort þeir geri það oft. Ég vil vita hvort þingmenn landsins komi hreint fram eður ei. Þetta hefur reyndar kanski aðeins minna vægi en mörg lygin sem sögð er, en óheiðarleiki er þetta samt og ég tel að ráðamenn þjóðarinnar eigi ekki að standa í þannig leik. Í versta falli ætti (annars góður) alþingisvefurinn að taka það til skoðunar að hafa möguleika á að ræður þingamanna birtist óbreyttar, en þingmenn geti svo gert athugasemdir (eins og comments í word eða alíka) við punkta sem þeir telja sig hafa farið offari í eins og þessu máli — Kaldhæðni dagsins frá Denver Skráð sem: Dagleg skrif og Fréttir og Pólitík Svör: Ekkert ennþá |
|
Posted on 07.30.08 by steini @ 21:46
Shit, er þessi maður algjör hálfviti ??? Að þessi maður sé í ábyrgðarstöðu, hvað þá að hann sé borgarstjóri er klárlega skammarlegt fyrir Íslendinga. Hann er meira að segja miklu þverari en Gunnar I. Birgisson! Það þyrfti að brýna fyrir Ólafi að það að koma inn jákvæðum lýsingarorðum dugar ekkert fyrir heilt viðtal, það þarf að koma með svör eða eitthvað bitstætt en ekki endurtaka sömu lofsrulluna aftur og aftur sem stendur svo varla á neinum grunni. Jesús Kristur, maður fær bara kjánahroll við að hlusta á þetta. Skráð sem: Dagleg skrif og Pólitík Svör: Ekkert ennþá |
|
Posted on 07.13.08 by steini @ 17:01
Ég skil ekki eitt varðandi íslenska pólitík. Nú er framsókn búin að vera í stjórnarandstöðu í smá tíma og miðað við allt sem hægt er að gagnrýna við núverandi ríkisstjórn og framvindu mála í þjóðfélaginu ætti nú ekki að vera erfitt að koma með sterka gagnrýni og vinna sér inn fylgi þeirra sem eru ósáttir. Þetta eiga VG og frjálslyndir auðvitað líka að vera að vinna í, en þeir flokkar hafa kanski aðeins þéttari og ákveðnari hóp á bak við sig og ná kanski ekki að höfða til svo margra utan þess hóps. En allavega, það er fullt sem hefur gerst sem stjórnarandstæðan gæti gagnrýnt dag og nótt, en það eina sem maður heyrir í þeim er eitthvað tíst sem týnist samdægurs og það kemur í umræðuna, fyrir utan að sjaldnast tekur maður eitthvað mark á framamönnum þessara flokka, það er eins og það vanti alltaf eitthvað smá edge í þá. Afhverju hafa stjórnarandstöðuflokkarnir t.d. ekki tekið eftirfarandi málefni uppá sína arma að mikilli festu og sýnt á heildstæðan hátt hvað sé ekki í lagi og hvernig eigi að bregðast við eða laga þau (þetta er nefnilega það sem er auðveldast fyrir stjórnarandstöður, þær þurfa ekki að sýna fram á afköst í alvörunni, bara með kenningum); Ég er reyndar ekkert ósáttur með hvernig öll þessi mál hafa þróast eða hvernig þau voru höndluð af yfirvöldum, plús að stundum er ósanngjarnt að segja að þau séu stjórninni að kenna. Þetta hafa þó allt verið umtöluð málefni þar sem fólk hefur mismunandi skoðanir og ætti að vera hægt að nýta sér til að vinna inn fylgi. Þetta væri örugglega ekkert svo vitlaus tími til að koma og minna all svaðalega á sig og sinn flokk, koma með alsherjar gagnrýni á núverandi ástand og fá fólk í lið með sér, en nei, íslensk pólitík virkar ekki þannig, það gerist bara fyrir kosningar þegar allir lofa öllu. Með þessu er ég þó ekki að segja að ég vilji sjá framsókn eða VG sem stóra flokka, það er bara svo rangt takíklega séð að vera ekkert að gera almennilegt á þessum tíma. Örugglega ekkert of erfitt að komast að í fréttum og ef þetta væri eitthvað alvöru, þá héldist þetta örugglega í töluverðan tíma í umræðunni. Auk þess er það jú verk stjórnarandstöðunnar að halda stjórninni við efnið með því að sækja að henni og knýja þar með stjórnina til að standa sig svo þau missi ekki stólana í næstu kosningum. Það verður nefnilega ekkert tekið af ríkisstjórninni að hún er töluvert búin að vera að skíta uppá bak og svo virðast átök innan ríkisstjórnarinnar vera nokkur þannig að hún ætti að vera veik fyrir góðu áhlaupi sem vönduð og heilsteypt gagnrýni myndi valda. Til að eitthvað þessu líkt gengi upp þyrftu þó framsóknarmenn að verða aðeins samheldnari og skipta um formann og koma með einhvern sem stór hluti þjóðarinnar gæti hugsað sér að gúddera. Það er ekki að gerast með honum Guðna. Ég gæti t.d. alveg séð þetta fyrir mér sem heilsteypta áætlun sem væri svo skipt niður eftir ráðuneytum og flokkurinn myndi taka eina viku í að kynna og koma á framfæri hverjum málaflokk fyrir sig. Þá gætu þeir örugglega hámarkað áhuga fréttamanna, alltaf komið með eitthvað nýtt og haldið sér í umræðunni í góðan tíma. Þetta verður samt örugglega eitthvað sem við munum seint sjá í íslenskri pólitík. — Neytendahetja dagsins. Djöfull hefur mig lengi langað til að gera þetta. Var alltaf alveg nóg af útrunnum vörum í Hagkaup, þó það væri alltaf verið að fara í gegnum hillur og standa, það fer alltaf slatti framhjá manni. Væri gaman að sjá hvernig þetta er í búðum sem pæla lítið eða ekkert í því að taka úr hillunum útrunnið dót. Ekki frá því að maður plebbist einhverntíman til að gera eitthvað líkt þessu Skráð sem: Dagleg skrif og Hugleyðingar og Pólitík Svör: Ekkert ennþá |
| previous posts » |
