|
Posted on 08.27.08 by steini @ 1:10
Í dag benti Matthías Ásgeirsson í Vantrú á að ræða Guðna Ágústssonar á vef Alþingisvefsins, eins og hún kemur fyrir í textaformi, sé aðeins öðruvísi en sú sem hann hélt í ræðustól. Fyrst bjuggust menn við að þetta væri einhver yfirsjón hjá þeim sem slá inn ræðurnar, en Vísir hafði samband við Guðna og þar viðurkenndi hann að hann hafi breytt ræðunni eftir á þar sem hann taldi sig hafa gengið of langt.
Fyrir utan hve rangt mér finnst það að vera að breyta ræðunum eftir á, þá fer Guðni hér vel yfir strikið og breytir hreinlega merkingu orða sinna. Ég tel annars að einhver fjölmiðillinn ætti að senda spurningalista á þingmenn og spurjast fyrir hvort þeir hafi breytt ræðum sínum og ef svo er hvort þeir geri það oft. Ég vil vita hvort þingmenn landsins komi hreint fram eður ei. Þetta hefur reyndar kanski aðeins minna vægi en mörg lygin sem sögð er, en óheiðarleiki er þetta samt og ég tel að ráðamenn þjóðarinnar eigi ekki að standa í þannig leik. Í versta falli ætti (annars góður) alþingisvefurinn að taka það til skoðunar að hafa möguleika á að ræður þingamanna birtist óbreyttar, en þingmenn geti svo gert athugasemdir (eins og comments í word eða alíka) við punkta sem þeir telja sig hafa farið offari í eins og þessu máli — Kaldhæðni dagsins frá Denver Skráð sem: Dagleg skrif og Fréttir og Pólitík Svör: Ekkert ennþá |
|
Posted on 07.30.08 by steini @ 21:46
Shit, er þessi maður algjör hálfviti ??? Að þessi maður sé í ábyrgðarstöðu, hvað þá að hann sé borgarstjóri er klárlega skammarlegt fyrir Íslendinga. Hann er meira að segja miklu þverari en Gunnar I. Birgisson! Það þyrfti að brýna fyrir Ólafi að það að koma inn jákvæðum lýsingarorðum dugar ekkert fyrir heilt viðtal, það þarf að koma með svör eða eitthvað bitstætt en ekki endurtaka sömu lofsrulluna aftur og aftur sem stendur svo varla á neinum grunni. Jesús Kristur, maður fær bara kjánahroll við að hlusta á þetta. Skráð sem: Dagleg skrif og Pólitík Svör: Ekkert ennþá |
|
Posted on 07.13.08 by steini @ 17:01
Ég skil ekki eitt varðandi íslenska pólitík. Nú er framsókn búin að vera í stjórnarandstöðu í smá tíma og miðað við allt sem hægt er að gagnrýna við núverandi ríkisstjórn og framvindu mála í þjóðfélaginu ætti nú ekki að vera erfitt að koma með sterka gagnrýni og vinna sér inn fylgi þeirra sem eru ósáttir. Þetta eiga VG og frjálslyndir auðvitað líka að vera að vinna í, en þeir flokkar hafa kanski aðeins þéttari og ákveðnari hóp á bak við sig og ná kanski ekki að höfða til svo margra utan þess hóps. En allavega, það er fullt sem hefur gerst sem stjórnarandstæðan gæti gagnrýnt dag og nótt, en það eina sem maður heyrir í þeim er eitthvað tíst sem týnist samdægurs og það kemur í umræðuna, fyrir utan að sjaldnast tekur maður eitthvað mark á framamönnum þessara flokka, það er eins og það vanti alltaf eitthvað smá edge í þá. Afhverju hafa stjórnarandstöðuflokkarnir t.d. ekki tekið eftirfarandi málefni uppá sína arma að mikilli festu og sýnt á heildstæðan hátt hvað sé ekki í lagi og hvernig eigi að bregðast við eða laga þau (þetta er nefnilega það sem er auðveldast fyrir stjórnarandstöður, þær þurfa ekki að sýna fram á afköst í alvörunni, bara með kenningum); Ég er reyndar ekkert ósáttur með hvernig öll þessi mál hafa þróast eða hvernig þau voru höndluð af yfirvöldum, plús að stundum er ósanngjarnt að segja að þau séu stjórninni að kenna. Þetta hafa þó allt verið umtöluð málefni þar sem fólk hefur mismunandi skoðanir og ætti að vera hægt að nýta sér til að vinna inn fylgi. Þetta væri örugglega ekkert svo vitlaus tími til að koma og minna all svaðalega á sig og sinn flokk, koma með alsherjar gagnrýni á núverandi ástand og fá fólk í lið með sér, en nei, íslensk pólitík virkar ekki þannig, það gerist bara fyrir kosningar þegar allir lofa öllu. Með þessu er ég þó ekki að segja að ég vilji sjá framsókn eða VG sem stóra flokka, það er bara svo rangt takíklega séð að vera ekkert að gera almennilegt á þessum tíma. Örugglega ekkert of erfitt að komast að í fréttum og ef þetta væri eitthvað alvöru, þá héldist þetta örugglega í töluverðan tíma í umræðunni. Auk þess er það jú verk stjórnarandstöðunnar að halda stjórninni við efnið með því að sækja að henni og knýja þar með stjórnina til að standa sig svo þau missi ekki stólana í næstu kosningum. Það verður nefnilega ekkert tekið af ríkisstjórninni að hún er töluvert búin að vera að skíta uppá bak og svo virðast átök innan ríkisstjórnarinnar vera nokkur þannig að hún ætti að vera veik fyrir góðu áhlaupi sem vönduð og heilsteypt gagnrýni myndi valda. Til að eitthvað þessu líkt gengi upp þyrftu þó framsóknarmenn að verða aðeins samheldnari og skipta um formann og koma með einhvern sem stór hluti þjóðarinnar gæti hugsað sér að gúddera. Það er ekki að gerast með honum Guðna. Ég gæti t.d. alveg séð þetta fyrir mér sem heilsteypta áætlun sem væri svo skipt niður eftir ráðuneytum og flokkurinn myndi taka eina viku í að kynna og koma á framfæri hverjum málaflokk fyrir sig. Þá gætu þeir örugglega hámarkað áhuga fréttamanna, alltaf komið með eitthvað nýtt og haldið sér í umræðunni í góðan tíma. Þetta verður samt örugglega eitthvað sem við munum seint sjá í íslenskri pólitík. — Neytendahetja dagsins. Djöfull hefur mig lengi langað til að gera þetta. Var alltaf alveg nóg af útrunnum vörum í Hagkaup, þó það væri alltaf verið að fara í gegnum hillur og standa, það fer alltaf slatti framhjá manni. Væri gaman að sjá hvernig þetta er í búðum sem pæla lítið eða ekkert í því að taka úr hillunum útrunnið dót. Ekki frá því að maður plebbist einhverntíman til að gera eitthvað líkt þessu Skráð sem: Dagleg skrif og Hugleyðingar og Pólitík Svör: Ekkert ennþá |
|
Posted on 04.05.08 by steini @ 20:59
eftirtaldi aðilar/hlutir fá sérstakar þakkir vegna viknanna sem voru að líða með tilheyrandi prófalestri, pirringi og vonleysi á köflum. Þetta er það sem gerði að verkum að maður hélt geðheilsunni og er bara þreyttur núna eftir prófin en ekki algjör taugahrúga.
Magnús fyrir að benda mér á þetta video þegar maður var alveg að fara yfir um. Another late night og Late night tales seríurnar auk Deck Safari diskanna sem eru einhver besta læru-tónlist sem maður getur fundið. Late night tales með Flaming lips og Groove armada voru sérstaklega öflugir. Air, guðdómleg tónlist sem maður getur notað til að ýta öllu öðru í burtu og fókusa á lærdóminn. Grétar kennari fyrir gott email (sjá neðar). — Prófin gengu annars bara ágætlega, 3 munnleg og 2 skrifleg. Er ósáttur með frammistöðuna í einu prófanna, en það er vegna þess að ég átti að vita allt um efnið. Gekk annars mjög vel í 2 prófum og ágætlega/vel í 2 öðrum.
og svo kostnaðar og nytjagreining. Shit hvað mér líst samt vel á fyrri kúrsinn. Það virðast reyndar vera mismunandi skoðanir á henni og bókunum sem hún skrifar, en ég vona að það muni bara leiða til meira dýnamískra tíma þar sem allir vilja mæta til að kynnast hennar hlið vel svo hægt sé að samsinna henni eða gagnrýna í verkefnatímum. 75% lokaritgerð hljómar líka ágætlega fyrir svona kúrs. Maður fær að kynna sér eitt efni rosalega vel og skoða það ofan í kjölinn (eða allavega frekar vel). — Flott að þetta sé komið á hreint. Reyndar verður maður að hafa í huga að það sem er næst fólki í tíma er líka það sem er því næst í hugsun. Engu að síður ættu þessir menn að vera einna færastir að setja hluti í sögulegt samhengi og velja. Og þó það væri töluverð skekkja í þessu og jafnvel þó þessi tala lækkaði niður í 50%, þá hlýtur þetta að teljast frekar slæmt fyrir hann tvöfalt vaff Bush. — Þetta hljómar vel. Ef einhver á pening og langar að gefa mér eitthvað, má sá hinn sami kaupa svona miða. Skráð sem: Bifröst og Dagleg skrif og Kúltúra og Pólitík og USA Svör: 1 svar komið |
|
Posted on 04.03.08 by steini @ 15:10
Las yfir nýjasta helgarsprokið á andríkisvefnum. Rosalega getur sumt frjálshyggjufólk verið íhaldssamt. Maður hefði haldið að það væri víðsýnna og framsæknara en þessi grein gefur til kynna. Einnig að einhver rök fælust á bakvið greinarnar hjá þeim eftir 12 ár á vefnum og oft á tíðum ágætis skrif. Þessi grein er þó algjör undantekning þar á. Ætlaði að gagnrýna sérstaklega tvö atriði varðandi greinina, en sá svo að Matti á Vantrú var búinn að fiska þau upp einnig. Skráð sem: Dagleg skrif og Pólitík og Trúmál Svör: Ekkert ennþá |
|
Posted on 03.16.08 by steini @ 23:49
Mæli með að fólk kíki á þessar síður: Verð samt að segja að ég hef alltaf verið smá svag fyrir anarkisma, finnst þetta mjög skemmtileg hugmynd og allt það, mun skemmtilegri útópísk hugmynd heldur en kommúnisminn, en maður gerði sér fljótlega grein fyrir því anarkisminn mun aldrei ganga alveg upp vegna eins veigamikils þáttar. Skapgerðar, mismunandi hugmynda og eiginhagsmuna manneskjunnar. — Það sést ágætlega hér hver var besti vinur minn í síðustu viku. Air gjörsamlega bjargaði erfiðri viku. Einnig verður kamillutei þakkað fyrir að róa taugarnar (og hálsinn). Skráð sem: Dagleg skrif og Hugleyðingar og Netið og Pólitík Svör: It´s all happening! - (5) |
|
Posted on 03.07.08 by steini @ 18:30
Geir segist (auk fleiri) bera ábyrgð á aukakostnaði við framkvæmdir KSÍ. Okey… en hvað svo? Er það bara “sorry” og svo er málið dautt? Ég skal alveg taka á mig allar ábyrgð heimsins ef ég gæti bara sagt eitt sorry og svo eru engir eftirmálar. Við erum að tala um tæpan hálfan milljarð fram úr áætlun og það er bara sagt sorry! Hvað var það annars sem kostaði svona mikið, fyrirmannastúkan eða var það einhver annar ófyrirsjáanlegur hlutur? Skráð sem: Fréttir og Pólitík Svör: 1 svar komið |
|
Posted on 02.17.08 by steini @ 14:33
Hvað á oft að þurfa að gagnrýna og finna veikleika við kosninga/talninga vélarnar í US til að það verði komið á betra kerfi? Hér er eitt dæmið enn um það hvað þessar vélar virðist oft vera annaðhvort illa forritaðar eða þá að þær séu forritaðar með slæmum vilja. Svona á ekki að geta komið upp í vél sem einungis fær skipun um að segja já við valmöguleika 1 eða valmöguleika 2 (eða kanski 5 valmöguleika). Skráð sem: Pólitík Svör: Ekkert ennþá |
|
Posted on 02.09.08 by steini @ 16:55
hummm… hvað er maður að gera þessa dagana. Var að skila inn umsókn um BA ritgerðina (skil í ágúst) í gær. Svo er það bara þetta venjulega, læra og skemmtanir. Var einmitt grímuball á fimmtudaginn og ég ákvað að klæðast upp í Kóreska þjóðbúninginn. Mjög gott kvöld, en vegna mikillar þreytu var farið snemma í háttinn. Erum svo að læra um fjálshyggjuna í stjórnmálaheimspeki þessa dagana. Mjög gaman að fá aðeins víðsýnari sýn á kosti og galla við þessa stefnu. — Þetta er ein af ástæðunum afhverju mér finnst RIAA vera algjört rusl og tek lítið sem ekkert mark á þeim. — Þessi bók sem hér er gagnrýnd hljómar alveg yndislega í eyrum mínum. Minnir óneitanlega mikð á bókina Ár hérans eftir Arto Paasilinna, sem er auðvitað snilldarverk út í eitt. Þessi bók verður allavega sett á listann yfir bækur sem ég stefni á að lesa. — Rosalega þykja mér annars fréttir vera leiðinlegar þessa dagana. Bara eitthvað um slæmt veður og REI málið og innkomu Villa í þau mál. Hendið bara Villa frá borði, klárið þetta mál og farið að tala um eitthvað nýtt. Það er alveg á hreinu að sjallar munu skíttapa fylgi ef þeir fara ekki að hugsa af viti hvað þeir eigi að gera með gamla manninn. — Hér eru svo myndirnar frá Thailandi loksins: Skráð sem: Bifröst og Dagleg skrif og Fréttir og Myndir og Pólitík Svör: Ekkert ennþá |
|
Posted on 01.29.08 by steini @ 18:36
Þetta skref Kristjáns er vissulega góðs viti, þarna er verið að reyna að minnka mismununa. Aftur á móti hlýtur fólk að sjá að þarna er aðeins verið að laga eina mismununina, meðan önnur heldur áfram að vera til, þ.e. að trúlausir þurfi að borgar sóknargjöld þegar þeir eru ekki í neinum sóknum. Skora á Kristján og aðra alþingismenn að ganga skrefinu lengra og afnema að fólk skráð utan trúfélaga sé látið borga þennan skatt. edit: Svo ég haldi nú aðeins áfram. Mæli með að sem flestir kíki á þetta skjal. Þetta er sundurliðun á útgjöldum úr ríkissjóð til ríkiskirkjunnar. Skráð sem: Pólitík og Trúmál Svör: It´s all happening! - (4) |
| « newer posts | previous posts » |
